/5e9d6ced378d6_1587375300_medium.jpg)
- 2020-04-20 09:37:53
- ព័ត៌មាន
កូវីដ១៩មិនទាន់ចប់ផង! កាណាដាជួបរឿងបាញ់រះសម្លាប់មនុស្សច្រើនបំផុតមិនធ្លាប់មាន
- 2020-04-20 09:37:53
- ចំនួនមតិ 0 | ចំនួនចែករំលែក 0
កូវីដ១៩មិនទាន់ចប់ផង! កាណាដាជួបរឿងបាញ់រះសម្លាប់មនុស្សច្រើនបំផុតមិនធ្លាប់មាន
ចន្លោះមិនឃើញ
យ៉ាងហោចណាស់មនុស្ស ១៦នាក់ ត្រូវបានបាញ់សម្លាប់ក្នុងប្រទេសកាណាដាដែលជាចំនួនច្រើនបំផុតមិនធ្លាប់មានក្នុងប្រវត្តិសាស្ត្រប្រទេសនេះ។
យោងតាមសារព័ត៌មានក្នុងតំបន់ឲ្យដឹងថា ខ្មាន់កាំភ្លើងឈ្មោះ Gabriel Wortman វ័យ ៥១ឆ្នាំជាពេទ្យធ្មេញ ត្រូវបានប៉ូលិសបាញ់សម្លាប់ក្រោយរត់គេចខ្លួនអស់រយៈពេល ១២ម៉ោងនៅខេត្ត Nova Scotia ភាគខាងកើតប្រទេសកាណាដា។ មុនកើតហេតុ បុរសជាជនល្មើសបានបន្លំតែងខ្លួនជាប៉ូលិស និងជិះឡានប៉ូលិសក្លែងក្លាយ ហើយបើកការបាញ់ប្រហារនៅផ្ទះមួយកន្លែងនាវេលាម៉ោងប្រមាណ ១០យប់ថ្ងៃអាទិត្យ។ ប៉ូលិសម្នាក់ ស្ថិតក្នុងចំណោមជនរងគ្រោះដែលបានស្លាប់ផងដែរ ក្រោយការបាញ់តទល់ជាមួយខ្មាន់កាំភ្លើង។
យ៉ាងណាមិញ មកទល់ពេលនេះ គេនៅមិនទាន់ពីមូលហេតុពិតប្រាកដពីក្រោយការបាញ់ប្រហាររបស់បុរសខាងលើនៅឡើយទេ ដោយប៉ូលិសកំពុងធ្វើការស៊ើបអង្កេតបន្ដ៕
