/5eaa5a82a9a0d_1588222560_medium.jpg)
- 2020-04-30 04:57:50
- ព័ត៌មាន
កូវីដ១៩មិនទាន់ចប់ផង! អគ្គីភ័យឆេះការដ្ឋានសាងសង់នៅកូរ៉េខាងត្បូង សម្លាប់ជិត ៤០នាក់
- 2020-04-30 04:57:50
- ចំនួនមតិ 0 | ចំនួនចែករំលែក 0
កូវីដ១៩មិនទាន់ចប់ផង! អគ្គីភ័យឆេះការដ្ឋានសាងសង់នៅកូរ៉េខាងត្បូង សម្លាប់ជិត ៤០នាក់
ចន្លោះមិនឃើញ
អគ្គិភ័យមួយបានឆាបឆេះនៅការដ្ឋានសាងសង់មួយកន្លែងក្នុងប្រទេសកូរ៉េខាងត្បូង ដែលបណ្ដាលឲ្យមនុស្សយ៉ាងហោច ៣៨នាក់ស្លាប់ និងជាង ១០នាក់ផ្សេងទៀតរងរបួសកាលពីថ្ងៃពុធកន្លងទៅ។
យោងតាមអាជ្ញាធរកូរ៉េឲ្យដឹងថា អគ្គិភ័យបានឆាបឆេះឡើងនៅការដ្ឋានដែលកម្មករកំពុងសាងសង់ឃ្លាំងស្ថិតនៅចម្ងាយប្រហែល ៨០គីឡូម៉ែត្រពីទីក្រុងសេអ៊ូល។ សាក្សីនៅកន្លែងកើតហេតុបញ្ជាក់ ថាអគ្គិភ័យឆាបឆេះចេញពីជាន់ទី៤នៃអគារយ៉ាងឆាប់រហ័ស ដែលធ្វើឲ្យកម្មករមិនអាចចេញមកក្រៅរួច។ ក្នុងហេតុការណ៍នេះដែរ កម្មករប្រមាណ ៣០នាក់ បានរត់គេចខ្លួនផុតពីអគ្គិភ័យ ខណៈដែល ៨នាក់រងរបួសធ្ងន់ កំពុងសម្រាកព្យាបាលនៅមន្ទីរពេទ្យក្នុងតំបន់ ហើយពីរនាក់ផ្សេងទៀតរងរបួសស្រាល។
ក្រោយកើតហេតុ ក្រុមមន្រ្តីកំពុងស៊ើបអង្កេតមូលហេតុនៃអគ្គិភ័យនេះដែលអាចបណ្តាលមកពីការផ្ទុះខណៈពេលដែលកម្មករកំពុងធ្វើកានៅទីតាំងនោះ។ ពួកគេបន្ថែមថា ចំនួនអ្នកស្លាប់អាចនឹងកើនឡើងថែមទៀត ខណៈដែលក្រុមជួយសង្គ្រោះកំពុងធ្វើការនៅកន្លែងកើតហេតុ៕
