• 2020-05-20 00:46:57
  • ព័ត៌មាន

ញាក់សាច់! ធ្លាក់ដុំទឹកកករាងដូចវីរុសកូរ៉ូណា បង្កការភ្ញាក់ផ្អើលខ្លាំងនៅម៉ិកស៊ីកូ

  • 2020-05-20 00:46:57
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រជាពលរដ្ឋ​នៅ​ម៉ិកស៊ីកូ មាន​ការ​ភ្ញាក់​ផ្អើល​យ៉ាង​ខ្លាំង​ក្រោយ​ប្រទះ​ឃើញ​ហេតុការណ៍​ធ្លាក់​ដុំ​ទឹកកក​ដែល​មាន​រូបរាង​ស្រដៀង​ទៅ​នឹង​វីរុស​កូវ៉ូណា​ដែល​កំពុង​វាយ​ប្រហារ​នៅ​ទូទាំង​ពិភពលោក។

ហេតុការណ៍​ដ៏​គួរ​ឲ្យ​ភ្ញាក់​ផ្អើល​នេះ បាន​កើត​ឡើង​នៅ​ក្រុង Montemorelos ស្ថិត​នៅ​រដ្ឋ Nuevo Leon ភាគ​ខាង​ជើង​ប្រទេស​ម៉ិកស៊ីកូ​កាល​ពី​ថ្ងៃ​អង្គារ​កន្លង​ទៅ។ ពលរដ្ឋ​បាន​នាំ​គ្នា​ចែក​ចាយ​រូប​ភាព​នៃ​ដុំ​ទឹកកក​នេះ​ទៅក្នុង​បណ្ដាញ​សង្គម​ដែល​បណ្ដាល​ឲ្យ​មាន​ការ​ពិភាក្សា​យ៉ាង​ចម្រូង​ចម្រាស។ អ្នក​ខ្លះ​ជឿ​ថា នេះ​ជា​សញ្ញា​ដែល​ព្រះ​ជាម្ចាស់​ផ្ញើរ​មក​តាម​រយៈ​អាកាសធាតុ​ដើម្បី​ក្រើន​រំឮក​មនុស្ស​កុំ​ឲ្យ​ចេញ​ពី​ផ្ទះ​ការពារ​ការ​ឆ្លង​វីរុស។

យ៉ាងណាមិញ អ្នក​ជំនាញ​ខាង​ឧតុនិយម​លោក Jose Miguel Vinas អះអាង​ផ្ទុយ​ពី​នេះ​ថា វា​ជា​រឿង​ធម្មតា​ទេ​ដោយ​សារ​ដុំ​ទឹកកក​ប៉ះ​ទង្គិច​គ្នា ហើយ​ខ្លះ​រលាយ​ចូល​គ្នា​ទើប​បង្កើត​បាន​ជា​រូប​រាង​ដូច​បន្លា ធ្វើ​ពលរដ្ឋ​គិត​ថា​ស្រដៀង​នឹង​វីរុស​កូវីដ​១៩៕

ប្រភព៖ Dailymail ប្រែ​សម្រួល៖ រ័ត្ន

មតិយោបល់