• 2020-06-05 01:46:37
  • ព័ត៌មាន

សិង្ហបុរីរកឃើញអ្នកឆ្លងវីរុសថ្មី ៥១៧នាក់ទៀត ខណៈអ្នកឆ្លងសរុបឡើងដល់ជាង ៣ម៉ឺនករណី

  • 2020-06-05 01:46:37
  • ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាល​ប្រទេស​សិង្ហបុរី បាន​រកឃើញ​ករណី​អ្នកឆ្លងវីរុស​កូវីដ​១៩​ថ្មី​ចំនួន ៥១៧នាក់ទៀត ដែល​បណ្ដាល​ឲ្យ​អ្នក​ឆ្លង​សរុប​ក្នុង​ប្រទេស​នេះឡើង​ដល់ ៣៦ ៩២២​នាក់​កាល​ពី​ថ្ងៃ​ព្រហស្បតិ៍​កន្លង​ទៅ។

យោង​​​តាម​ក្រសួង​សុខាភិបាល​ឲ្យ​ដឹង​ថា ក្នុង​ចំណោម​ករណី​ថ្មី​ទាំង​អស់ ក្នុង​នោះ​មាន ១៥​នាក់​គឺ​ជា​ការ​ឆ្លង​ក្នុង​សហគមន៍។ ការវិភាគនៃករណីទាំង ១៥ នេះពីក្រសួងសុខាភិបាលបានបង្ហាញថា ១៣ នាក់ក្នុងចំណោមពួកគេជាជនជាតិឥណ្ឌាភេទប្រុសដែលមានអាយុចន្លោះពី ៣០ ទៅ ៤៨ ឆ្នាំ។ ពីរនាក់ទៀតជាអ្នករស់នៅអចិន្រ្តៃយ៍អាយុ ២៤ និង ៧៨ ឆ្នាំ។ បុរសទាំង ១៥ នាក់ត្រូវបានគេបញ្ជាក់ថា ឆ្លង​វីរុស​នៅថ្ងៃទី ៣ មិថុនា។ ក្រៅ​ពី​នេះ អ្នក​ដែល​ឆ្លង ៥០២​នាក់​ផ្សេង​ទៀត គឺ​ជា​អ្នកស្នាក់​នៅ​កន្លែង​ពលករ​ចំណាក​ស្រុក ហើយ​មិនមាន​ករណី​នាំ​ចូល​នោះ​ទេ៕

ប្រភព៖ Channelnewsasia ប្រែ​សម្រួល៖ រ័ត្ន

មតិយោបល់
អត្ថបទពេញនិយម
អត្ថបទថ្មី