/5ee873efd2e7a_1592292300_medium.jpg)
- 2020-06-16 07:26:46
- ព័ត៌មាន
ក្ដៅៗ! កូរ៉េខាងជើង បាញ់កម្ទេចការិយាល័យទំនាក់ទំនងជាមួយកូរ៉េខាងត្បូង
- 2020-06-16 07:26:46
- ចំនួនមតិ 0 | ចំនួនចែករំលែក 0
ក្ដៅៗ! កូរ៉េខាងជើង បាញ់កម្ទេចការិយាល័យទំនាក់ទំនងជាមួយកូរ៉េខាងត្បូង
ចន្លោះមិនឃើញ
រដ្ឋាភិបាលក្រុងសេអ៊ូល បានអះអាងនៅថ្ងៃអង្គារនេះថាការិយាល័យទំនាក់ទំនងអន្តរកូរ៉េមួយដែលមានទីតាំងស្ថិតនៅក្នុងតំបន់ព្រំដែននៃទីក្រុង Kaesong ត្រូវកូរ៉េខាងជើងបាញ់កម្ទេចហើយ។
យោងតាមក្រសួងបង្រួបបង្រួមជាតិកូរ៉េខាងត្បូងឲ្យដឹងថា កងទ័ពរបស់ក្រុងព្យុងយ៉ាងបានបាញ់កម្ទេចការិយាល័យទំនាក់ទំនងនៅវេលាម៉ោង ១៤:៤៩នាទីរសៀលនេះ (ម៉ោងក្នុងតំបន់)។ ករិយាល័យទំនាក់ទំនងខាងលើ ត្រូវសម្ពោធជាផ្លូវការដោយរដ្ឋាភិបាលប្រទេសទាំងពីរកាលពីឆ្នាំ ២០១៨កន្លងទៅ។ សំឡេងផ្ទុះ និងផ្សែងខ្មៅ ត្រូវបានគេឮ និងមើលឃើញពីកន្លែងកើតហេតុ។ យ៉ាងណាមិញ នៅមិនទាន់មានសេចក្ដីរាយការណ៍ណាមួយពីគ្រោះថ្នាក់ដល់អាយុជីវិតមនុស្ស ឬទំហំនៃការខូចខាតទ្រព្យសម្បត្តិនៅឡើយទេ។
គួរបញ្ជាក់ថា ការបាញ់កម្ទេចនេះ ត្រូវបានធ្វើឡើងក្រោយពេលដែល កូរ៉េខាងជើងបាននិយាយថា ខ្លួននឹងកាត់ផ្តាច់រាល់បណ្តាញទំនាក់ទំនងអន្តរកូរ៉េជាមួយកូរ៉េខាងត្បូងរួមទាំងបណ្តាញទូរស័ព្ទបន្ទាន់រវាងមេដឹកនាំប្រទេសទាំងពីរទៀតផងកាលពីសប្ដាហ៍មុន៕
