- 2020-07-06 11:53:00
- ព័ត៌មាន
សាលារាជធានីជូនដំណឹងឲ្យឈប់ផ្សាយពាណិជ្ជកម្មអនាធិបតេយ្យតាមដងផ្លូវ
- 2020-07-06 11:53:00
- ចំនួនមតិ 0 | ចំនួនចែករំលែក 0
សាលារាជធានីជូនដំណឹងឲ្យឈប់ផ្សាយពាណិជ្ជកម្មអនាធិបតេយ្យតាមដងផ្លូវ
ចន្លោះមិនឃើញ
រដ្ឋបាលរាជធានីភ្នំពេញ ក្នុងល្ងាចថ្ងៃច័ន្ទនេះដែរ បានចេញសេចក្ដីជូនដំណឹងមួយ ដោយឲ្យបញ្ឈប់បន្ទាន់ក្នុងការផ្សព្វផ្សាយពាណិជ្ជកម្មតាមបែបអនាធិបតេយ្យលើផ្លូវ។
សាលារាជធានីបានសង្កេតឃើញថា ទោះជាមានការណែនាំជាច្រើនដងក្ដី ក៏នៅតែមានអង្គភាព ស្ថាប័ន និងក្រុមហ៊ុននានា បន្តចងផ្ទាំងផ្សព្វផ្សាយអនាធិបតេយ្យ ការចែកខិត្តប័ណ្ណតាមដងផ្លូវ និងការដង្ហែក្បួនផ្សេងៗតាមរ៉ឺម៉ក ម៉ូតូ ព្រមទាំងការចែកខិត្តប័ណ្ណផ្សេងៗជាដើម។
ក្នុងគោលបំណងលើកកម្ពស់សោភ័ណភាពសាធារណៈ និងកិត្យានុភាពរាជធានី សាលាក្រុងស្នើឲ្យបញ្ឈប់សកម្មភាពនេះជាបន្ទាន់។
ក្រៅពីនេះសាលារាជធានីបានស្នើឲ្យអាជ្ញាធរគ្រប់ជាន់ថ្នាក់យកចិត្តទុកដាក់ក្នុងបញ្ហានេះ តាមរយៈការអប់រំ ឬការចុះកិច្ចសន្យាក្នុងការបញ្ឈប់ ហើយក្នុងករណីរាងចាល អង្គភាព ឬ ក្រុមហ៊ុននោះអាចនឹងប្រឈមក្នុងការផ្អាកអាជីវកម្ម ឬ អាចបញ្ជូនទៅតុលាការក្នុងករណីធ្ងន់ធ្ងរ៕
ខាងក្រោមនេះជាលិខិតដើមរបស់រដ្ឋបាលរាជធានី៖