- 2020-07-31 06:52:01
- ព័ត៌មាន
ជំទាវទី១ ប្រទេសប្រេស៊ីល បានឆ្លងវីរុសកូវីដ១៩
- 2020-07-31 06:52:01
- ចំនួនមតិ 0 | ចំនួនចែករំលែក 0
ជំទាវទី១ ប្រទេសប្រេស៊ីល បានឆ្លងវីរុសកូវីដ១៩
ចន្លោះមិនឃើញ
មន្រ្តីបាននិយាយកាលពីថ្ងៃព្រហស្បតិ៍ថា ស្ត្រីទីមួយរបស់ប្រេស៊ីល និងជាសមាជិកទី ៥ នៃគណៈរដ្ឋមន្រ្តីរបស់ប្រធានាធិបតីលោក Jair Bolsonaro បានធ្វើតេស្ត៍វិជ្ជមានវីរុសកូវីដ១៩។
រដ្ឋមន្រ្តីវិទ្យាសាស្ត្រ និងបច្ចេកវិទ្យាលោក Marcos Pontes បានសរសេរលើបណ្តាញសង្គម Twitter ថា លោកបានធ្វើតេស្តវិជ្ជមានបន្ទាប់ពីជួបរោគសញ្ញាដូចជំងឺផ្តាសាយ និងឈឺក្បាល។ បុរសអាយុ ៥៧ ឆ្នាំរូបនេះ ឥឡូវកំពុងស្ថិតក្នុងការរស់នៅដាច់ដោយឡែក (ចត្តាឡីស័ក)។
ការិយាល័យសារព័ត៌មានរបស់ប្រធានាធិបតីប្រេស៊ីល បាននិយាយនៅក្នុងសេចក្តីថ្លែងការណ៍មួយនៅពេលក្រោយថា លោកស្រី មីឆែលបូសាន់រ៉ូអាយុ ៣៨ ឆ្នាំ ក៏ត្រូវបានគេធ្វើតេស្ត៍វិជ្ជមានផងដែរ។
សេចក្តីថ្លែងការណ៍បាននិយាយថា ជំទាវទី១ គឺនាងមានសុខភាពល្អ ប៉ុន្តែនឹងធ្វើតាមការណែនាំនានា របស់ពេទ្យ។
ប្រធានាធិបតី Bolsonaro បានប្រាប់អ្នកសារព័ត៌មានកាលពីថ្ងៃទី ៧ ខែកក្កដា កន្លងទៅថា គាត់ត្រូវបានគេធ្វើរោគវិនិច្ឆ័យថាមានផ្ទុកវីរុសនេះហើយបន្ទាប់មកត្រូវបានគេបង្ខាំងទុកនៅក្នុងវិមានប្រធានាធិបតីក្នុងរដ្ឋធានី Brasilia អស់រយៈពេលជាងពីរសប្តាហ៍។ គាត់បានប្រកាសថាគាត់បានធ្វើតេស្តអវិជ្ជមាន កាលពីថ្ងៃសៅរ៍ កន្លងទៅថ្មីៗនេះ។
កន្លងមករដ្ឋមន្ត្រីកសិកម្ម រដ្ឋមន្ត្រីសិទ្ធិស្ត្រីនិងគ្រួសារ រដ្ឋមន្ត្រីសញ្ជាតិ និងរដ្ឋមន្ត្រីអប់រំប្រេស៊ីល សុទ្ធតែបានប្រកាសថាពួកគេបានឆ្លងកូវីដ១៩។
ប្រេស៊ីលជាប្រទេសរងគ្រោះខ្លាំងជាងគេទី២ លើលោកពីជំងឺឆ្លងកូវីដ១៩ ដោយមនុស្សជាង ២,៦១លាននាក់ បានឆ្លងវីរុសកូរ៉ូណា និង មនុស្សជាង ៩ម៉ឺននាក់ បានស្លាប់ដោយកូវីដ១៩៕
ប្រភព៖ time.com