- 2020-08-05 11:17:06
- ព័ត៌មាន
មនុស្សជាង ២០ម៉ឺនបាត់បង់ផ្ទះសម្បែង ក្រោយមហាបន្ទុះនៅលីបង់
- 2020-08-05 11:17:06
- ចំនួនមតិ 0 | ចំនួនចែករំលែក 0
មនុស្សជាង ២០ម៉ឺនបាត់បង់ផ្ទះសម្បែង ក្រោយមហាបន្ទុះនៅលីបង់
ចន្លោះមិនឃើញ
មហាបន្ទុះមួយនៅរដ្ឋធានីបេរូត ប្រទេសលីបង់ បានធ្វើឲ្យមនុស្សប្រមាណ ២០ម៉ឺន ទៅ២៥ម៉ឺននាក់បាត់បង់ផ្ទះសម្បែង នេះបើតាមការលើកឡើងរបស់អភិបាលរដ្ឋធានីលោក Marwan Aboud។
លោក Aboud បានលើកឡើងថា បន្ទុះមួយដ៏សន្ធោសន្ធៅនៅទីក្រុងបេរូត បានបំផ្លាញអគារ លំនៅស្ថាន និងផ្ទះសម្បែងជាច្រើន ហើយខាងអាជ្ញាធរកំពុងតែព្យាយាមផ្ដល់អាហារ ទឹក និងជម្រកដល់អ្នកបាត់បង់កន្លែងស្នាក់នៅរាប់សែននាក់។
មហាបន្ទុះនេះមានទំហំខូចខាតប្រមាណ ៣ប៊ីលាន ទៅ ៥ប៊ីលានដុល្លារ ហើយអាចនឹងច្រើនជាងនេះទៀត នេះបើតាមការលើកឡើងរបស់លោកអភិបាលរដ្ឋធានី។
សូមបញ្ជាក់ផងដែរថា គេមិនទាន់អាចរកឃើញមូលហេតុពិតប្រាកដក្រោយការផ្ទុះនេះទេ។ មហាបន្ទុះនេះបានសម្លាប់មនុស្សជាង ១០០នាក់ ហើយរបួស ៤ពាន់នាក់ផ្សេងទៀត៕