- 2020-10-16 10:38:25
- ព័ត៌មាន
មានដឹងអត់! ពីដើមមានតែ ៣៥រៀលខ្មែរទេ ដូរបាន ១ដុល្លារអាមេរិក
- 2020-10-16 10:38:25
- ចំនួនមតិ 0 | ចំនួនចែករំលែក 0
មានដឹងអត់! ពីដើមមានតែ ៣៥រៀលខ្មែរទេ ដូរបាន ១ដុល្លារអាមេរិក
ចន្លោះមិនឃើញ
លុយរៀលយើងក្នុងសម័យបច្ចុប្បន្ននេះ ជាទូទៅ ៤,០០០ ឬ ៤,១០០រៀល ដូរបាន ១ដុល្លារសហរដ្ឋអាមេរិក តែលុយខ្មែរយើងកាលពីជំនាន់មុន មានតែ ៣៥រៀលប៉ុណ្ណោះ អាចដូរបាន ១ដុល្លារអាមេរិកហើយ។
សម័យនោះគឺ សម័យសង្គមរាស្ត្រនិយម ជំនាន់ទសវត្ស ១៩៦០។ បើតាមទិន្នន័យកត់ត្រាដោយធនាគារពិភពលោក អំឡុងឆ្នាំ១៩៦០ ដល់ឆ្នាំ១៩៦៨ លុយ ១ដុល្លារសហរដ្ឋអាមេរិក ដូរបាន ៣៥រៀលខ្មែរ។
យ៉ាងណាមិញ ចាប់ពីចុងទសវត្សទី ៦០ លុយរៀលខ្មែរក៏ចាប់ផ្ដើមធ្លាក់តម្លៃ ដោយសារតែវិបត្តិសេដ្ឋកិច្ច អស្ថិរភាពនយោបាយ និងជាពិសេសប្រទេសយើងធ្លាក់ក្នុងភ្លើងសង្គ្រាម និងពុំមានម៉ាក្រូសេដ្ឋកិច្ច ឬ សេដ្ឋកិច្ចថ្នាក់ជាតិច្បាស់លាស់។
លុះនៅឆ្នាំ១៩៩០ ពេលដែលកម្ពុជារាងស្រួលបួលបន្តិច លុយ ១ដុល្លារដូរបានជាង ៤០០រៀលខ្មែរ។ នៅពេលដែលអាជ្ញាធរអង្គការសហប្រជាជាតិ ឬ អ៊ុនតាក់ចូលស្រុកខ្មែរ លុយដុល្លារក៏ហូរចូលក្នុងទីផ្សារកម្ពុជា ដែលធ្វើឲ្យអតិផរណាលុយរៀល នោះហើយទើប ១ដុល្លារ ដូរបានខ្ទង់ ៤,០០០រៀលរហូតដល់បច្ចុប្បន្ននេះ៕
អានបន្ត៖ មកដឹងពីអត្រាប្ដូរប្រាក់ដុល្លារ ទៅរៀល តាមសម័យកាលនីមួយៗ