- 2020-11-19 06:44:25
- ព័ត៌មាន
ថៃ ចេញច្បាប់ថ្មី អនុញ្ញាតឲ្យប្រើអាភៀន, កូកាអ៊ីន និង Morphine
- 2020-11-19 06:44:25
- ចំនួនមតិ 0 | ចំនួនចែករំលែក 0
ថៃ ចេញច្បាប់ថ្មី អនុញ្ញាតឲ្យប្រើអាភៀន, កូកាអ៊ីន និង Morphine
ចន្លោះមិនឃើញ
ប្រទេសថៃបានចេញច្បាប់អនុញ្ញាតឲ្យប្រើប្រាប់ថ្នាំជាង ១០០ មុខ រួមទាំង កូកាអ៊ីន, Morphine និងអាភៀន សម្រាប់ផ្នែកវេជ្ជសាស្ត្រ និងស្រាវជ្រាវ។
ការលក់ និងរក្សាទុកនូវថ្នាំចំនួន ១០២ ប្រភេទ ដែលត្រូវបានចាត់ថ្នាក់ជា ប្រភេទថ្នាំទី២ (Category 2 Drugs) ដោយច្បាប់គ្រឿងញៀន ឆ្នាំ ១៩៧៩ អនុញ្ញាតឲ្យអាចលក់ ឬប្រើប្រាស់បាន ក្រោមដែនកំណត់ជាក់លាក់។ បទប្បញ្ញត្តិថ្មីនេះនឹងចូលជាធរមាន នៅខែកក្កដា ឆ្នាំ ២០២១។
គ្រឿងញៀនប្រភេទទី២ រួមមាន កូកាអ៊ីន, អាភៀន, Morphine, Oxycodone, Fentanyl និង Codeine ជាដើម។ ការកាន់កាប់ និងប្រើប្រាស់ នឹងត្រូវបានផ្តល់ទៅឲ្យអង្គការរដ្ឋាភិបាល, ឱសថស្ថានដែលត្រូវបានទទួលស្គាល់ និងបុគ្គលិកសុខាភិបាល ដូចជា ឱសថការី, ពេទ្យធ្មេញ និងពេទ្យសត្វ។
ទោះជាយ៉ាងណា បើយោងតាមសេចក្ដីប្រកាសបានឲ្យដឹងថា ថ្នាំទាំងនេះអាចត្រូវបានលក់សម្រាប់តែការព្យាបាលវេជ្ជសាស្ត្រ, ការស្រាវជ្រាវ ឬ "អត្ថប្រយោជន៍របស់រដ្ឋាភិបាល" ប៉ុណ្ណោះ៕
