- 2020-11-20 00:30:29
- ព័ត៌មាន
ក្រសួងប្រាប់ពីស្ថានភាពជំងឺកូវីដ១៩ នៅព្រឹកនេះ
- 2020-11-20 00:30:29
- ចំនួនមតិ 0 | ចំនួនចែករំលែក 0
ក្រសួងប្រាប់ពីស្ថានភាពជំងឺកូវីដ១៩ នៅព្រឹកនេះ
ចន្លោះមិនឃើញ
ក្រសួងសុខាភិបាលបានចេញសេចក្ដីជូនដំណឹងពីការព្យាបាលជាសះស្បើយអ្នកជំងឺ ចំនួន ០៣នាក់ និងមិនមានករណីវិជ្ជមានកូវីដ១៩នោះទេ។
អ្នកជាសះស្បើយទាំង៣នាក់នោះរួមមាន៖
គឺបុរសជនជាតិប៉ាគីស្ថានអាយុ ៣៥ឆ្នាំ មានអាសយដ្ឋានស្នាក់នៅ សង្កាត់បឹងកក់១ ខណ្ឌទួលគោកភ្នំពេញ បានធ្វើដំណើរមកពីប្រទេសឥណ្ឌា ដោយឆ្លងកាត់ប្រទេសអារ៉ាប់ប៊ីសាអូឌីត និងបន្តជើងហោះហើរនៅប្រទេសកូរ៉េខាងត្បូង មកដល់កម្ពុជានៅថ្ងៃទី០៥ ខែវិច្ឆិកា ឆ្នាំ២០២០ ។
បុរសជនជាតិខ្មែរអាយុ ២៩ឆ្នាំ មានអាសយដ្ឋានស្នាក់នៅ ភូមិរាំងដេក ឃុំគគីរធំ ស្រុកកៀនស្វាយខេត្តកណ្តាល
បុរសជនជាតិខ្មែរអាយុ ៣៨ឆ្នាំ មានអាសយដ្ឋានស្នាក់នៅ ភូមិទំនប់ សង្កាត់រកាក្រៅ ក្រុងដូនកែវ ខេត្តតាកែវ
ពួកគាត់ទាំងពីរនាក់ បានធ្វើដំណើរមកពីប្រទេសជប៉ុន បន្តជើងហោះហើរនៅប្រទេសកូរ៉េខាងត្បូង មកដល់កម្ពុជានៅថ្ងៃទី២៦ ខែតុលា ឆ្នាំ២០២០។
បុគ្គលទាំងបីនាក់ខាងលើ ។ ត្រូវបានព្យាបាល ជាសះស្បើយ ដោយទទួលបានលទ្ធផលតេស្តអវិជ្ជមាន វីរុសកូវីដ-១៩ ចំនួន ០២ដង និងត្រូវបានអនុញ្ញាតឲ្យចេញពីមន្ទីរពេទ្យមិត្តភាពខ្មែរ -សូវៀត។
ប្រទេសកម្ពុជាមានអ្នកឆ្លងជំងឺកូវីដ១៩សរុបចំនួន ៣០៤នាក់ ក្នុងនោះព្យាបាលជាសះស្បើយសរុបចំនួន២៩៤នាក់ និងអ្នកកំពុងសម្រាកព្យាបាលនៅមន្ទីរពេទ្យសរុបចំនួន ០៩នាក់៕