គម្រោង​ភ្នំពេញ​ស្អាត​ឆ្នាំ​នេះ​ បាន​បង្កើត​កម្មវិធី​ប្រកួត​ប្រជែង​ដណ្ដើម​ជ័យ​លើ​លាភី លើ​ប្រធាន​បទ​ «សាលាបរិស្ថាន​ស្អាត» ដែល​សាលា​មួយ​ចំនួន​កំពុង​បង្ហាញ​ពី​សមត្ថភាព​របស់​ខ្លួន និង​ឆ្លង​ដល់​វគ្គ​ពាក់កណ្ដាល​ផ្ដាច់ព្រ័ត្រ​ហើយ​។ តើ​សាលា​ទាំង​នោះ​ មាន​ឈ្មោះ​សាលា​អ្វីខ្លះ?

សាលា​ដែល​ឆ្លង​ដល់​វគ្គជម្រើស​ពាក់កណ្ដាល​ផ្ដាច់​ព្រ័ត្រ​ រួមមាន​សាលា៖

• ១. សាលា​ស៊ីសុវត្ថិ

• ២. សាលា​ទួល​ទំពូង

• ៣. សាលាប៊ែលធី​អន្ដរជាតិ​

• ៤. សាលាអន្ដរទ្វីប​អាមេរិកាំង

• ៥. សាលា​សុវណ្ណភូមិ​

• ៦. សាលា​វេស្ទើនអន្ដរជាតិ

ផ្អែក​តាម​ការ​បញ្ជាក់​ពី​គម្រោង​ភ្នំពេញ​ស្អាត​ បាន​ឲ្យ​ដឹង​ថា ក្រោយពីបានឆ្លងកាត់ការពិនិត្យ វាយតម្លៃ និងដាក់ពិន្ទុរបស់គណៈកម្មការវាយតម្លៃរួចមក ក្រុមការងារយុទ្ធនាការភ្នំពេញស្អាត នៃគម្រោងស្អាត បាន​ឲ្យ​ដឹងថា ក្រុមការងារប្រតិបត្តិគម្រោងស្អាត សូមកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែងរបស់យុវសិស្ស ក៏ដូចជាគ្រូបង្គោល និងអ្នកណែនាំតាមសាលារៀននីមួយៗ ក្នុងការរៀបចំ និងបង្កើតគម្រោងទស្សនាទាន «សាលាបរិស្ថានស្អាត» ដើម្បីបរិស្ថាននៅក្នុងសាលារបស់ខ្លួន។

ទន្ទឹមនឹងនេះ ក្រុមការងារភ្នំពេញស្អាត ក៏សូមអំពាវនាវ និងបន្តលើកទឹកចិត្តទៅដល់យុវសិស្សតំណាងសាលារៀននីមួយៗ ទាំងសាលាដែលមិនជាប់វគ្គពាក់កណ្តាលផ្តាច់ព្រ័ត្រ និងជាប់វគ្គពាក់កណ្តាលផ្តាច់ព្រ័ត្រ ឲ្យបន្តចូលរួមយ៉ាងសកម្មដើម្បីឲ្យខ្លួនស្អាត ថ្នាក់រៀនស្អាត សាលារៀនស្អាត និងភ្នំពេញស្អាត។

​​កម្មវិធី​ភ្នំពេញស្អាត​ត្រូវបាន​បង្កើតឡើង​ដោយ​ ​សហស្ថាបនិក​ចំនួន​ ​០៦រូប​ ដែល​មកពីស្ថាប័ន​ផ្សេងៗគ្នា រួមមាន​ ឯកឧត្តម ​ហ៊ុន ម៉ានី​ ប្រធាន​សហភាពសហព័ន្ធ​យុវជន​កម្ពុជា​ លោក ជី សីលា អគ្គនាយ​ប្រតិបត្តិ​ក្រុមហ៊ុន​ Sabay Group ​លោកស្រី ជា សុផល្លា ​ប្រធាន​សភាយុវ​ពាណិជ្ជ​ករអន្តរជាតិ​កម្ពុជា​ និង​អគ្គនាយ​ប្រតិបត្តិក្រុមហ៊ុន​ Emerald Plus ​លោកស្រី​ ហេង​ ​ធីតា នាយក​ផ្នែកសេវាកម្មហិរញ្ញ​វត្ថុបុគ្គល​នៃធនាគារ​ ​CIMB Cambodia PLC ​លោក ​ហៃ ​ភិរម្យ នាយកផ្នែក​យុទ្ធសាស្រ្ត​ជំនួញប្រចាំប្រទេស​ក្នុងតំបន់​មេគង្គនៃ​ក្រុមហ៊ុន​ Bosch និងលោក​ស្រី ទេព កុលាប ​នាយិកា​សកលវិទ្យាល័យ​អន្តរជាតិ​ភ្នំពេញ​៕