- 2020-11-26 13:29:08
- ព័ត៌មាន
ខ្មែរ ២៥០នាក់ទៀតនឹងទៅរៀននៅអ៊ីស្រាអែល បន្ទាប់ពី ១៦៨នាក់ទើបតែវិលចូលស្រុក
- 2020-11-26 13:29:08
- ចំនួនមតិ 0 | ចំនួនចែករំលែក 0
ខ្មែរ ២៥០នាក់ទៀតនឹងទៅរៀននៅអ៊ីស្រាអែល បន្ទាប់ពី ១៦៨នាក់ទើបតែវិលចូលស្រុក
ចន្លោះមិនឃើញ
និស្សិតខ្មែរចំនួន ២៥០នាក់ នឹងចាកចេញទៅបន្តការសិក្សាជំនាញកសិកម្មនៅរដ្ឋអ៊ីស្រាអែល ខណៈនិស្សិតចំនួន ១៦៨ ដែលបានបញ្ចប់ការសិក្សានៅប្រទេសមជ្ឈិមបូព៌ានេះ បានវិលត្រលប់មកស្រុកកំណើតតាមរយៈ ជើងហោះហើរត្រង់ពីទីក្រុង តែល អាវីវ (Tel Aviv) មកកាន់រាជធានីភ្នំពេញ។
ទំព័រហ្វេសប៊ុក “Israel in Cambodia” ដែលជាទំព័របង្កើតដោយក្រសួងការបរទេស រដ្ឋអ៊ីស្រាអែលបានចុះផ្សាយថា និស្សិត ២៥០នាក់នេះសុទ្ធតែជានិស្សិតថ្នាក់បរិញ្ញាបត្រកសិកម្ម នឹងទទួលបានការបណ្ដុះបណ្ដាលពីបច្ចកទេសដាំដូវគ្រប់រដូវ ពីប្រទេសអ៊ីស្រាអែលរយៈពេល ១ឆ្នាំ តាមរយៈកម្មវិធី “រៀនដោយការធ្វើ”។ ក្រៅពីនេះ និស្សិតទាំងនោះក៏មានឱកាសក្នុងការធ្វើការនៅកសិដ្ឋាននៅប្រទេសជិតខាងអារ៉ាបនេះទៀតផង។
កម្មវិធីនេះទើបតែបង្កើតឡើងក្នុងរយៈពេល ២-៣ឆ្នាំចុងក្រោយនេះទេ ហើយរាល់ឆ្នាំអ៊ីស្រាអែលបានធ្វើការស្វាគមន៍និស្សិតខ្មែរ ៣៨០នាក់។
សូមជម្រាបផងដែរ ក្នុងសភាពការណ៍កូវីដ-១៩ ក្រោមការសម្របសម្រួល និងសហការយ៉ាងជិតស្និទ្ធរវាងរាជរដ្ឋាភិបាលកម្ពុជា តាមរយៈក្រសួងការបរទេសខ្មែរ ជាមួយនឹងរដ្ឋអ៊ីស្រាអែល ទើបមានជើងហោះហើររបស់អាកាសចរណ៍ El Al ហោះត្រង់ពីតែល-អាវីវ មកកាន់ភ្នំពេញ ដោយមិនមានការឈប់ផ្លាស់ប្ដូរយន្តហោះនៅប្រទេសណាមួយឡើយ៕