- 2021-01-26 03:04:13
- ព័ត៌មាន
គ្រូពេទ្យបកស្រាយថា ខ្សែសីមារុំ ក្មេង និងទារកជាបណ្ដុំនៃមេរោគរាប់រយលាន
- 2021-01-26 03:04:13
- ចំនួនមតិ 0 | ចំនួនចែករំលែក 0
គ្រូពេទ្យបកស្រាយថា ខ្សែសីមារុំ ក្មេង និងទារកជាបណ្ដុំនៃមេរោគរាប់រយលាន
ចន្លោះមិនឃើញ
ជំនឿ នៅជាប់នឹងប្រជាជនខ្មែរតាំងពីដើម រហូតដល់បច្ចុប្បន្នមិនអាចខ្វះបាន ប៉ុន្តែជំនឿខ្លះផ្ដល់នូវប្រយោជន៍ ខ្លះទៀតក៏បង្កទៅជាបញ្ហានាំទុក្ខដាក់ខ្លួនទៅវិញ បើសិនជាយើងជឿដោយខ្លះការពិចារណា និងមិនស្វែងយល់ពីការពិត។
ជាក់ស្ដែងបញ្ហាមួយដែលពលរដ្ឋខ្មែរតែងអនុវត្តតៗ គ្នាមិនដាច់តាំងពីដើមរៀងមក គឺការចងខ្សែសីមាឲ្យកូនទារកតូចៗ និងក្មេង ដោយគេជឿថាអាចការពារគ្រោះថ្នាក់ ការពារមន្តអាគម ខ្មោច ព្រាយ បិសាច...។ យ៉ាងណាខ្សែអំបោះខ្សែសីមាពាក់ជាប់ដៃ ជើង និង ក ដែលខ្សែទាំងនោះជាបណ្ដុំផ្ទុកមេរោគរាប់សិបមុខ និងមានចំនួនរាប់រយលានមេរោគ។
បើតាមការបកស្រាយរបស់ដុកទ័រ ហ៊ាង រតនា ឲ្យដឹងថាក្មេងដែល លោកជួប១០០នាក់ មានប្រហែល៩០នាក់ហើយសុទ្ធតែមានខ្សែអំបោះខ្សែសីមា ដែលមានផ្ទុកមេរោគច្រើនរាប់មិនអស់។ គាប់ជួននឹងប្រព័ន្ធការពារក្មេងនៅខ្សោយផង ជាហេតុនាំអោយក្មេងងាយឈឺបំផុត ព្រោះវាឆ្លងតាមការចាប់កាន់ និងបៀម។
ជាញឹកញាប់បំផុតវាធ្វើឲ្យក្មេងមានជំងឺ រលាកបំពង់ក រលាកផ្លូវដង្ហើម រលាកក្រពះពោះវៀន ដោយមេរោគ ដែលជំងឺទាំងអស់នេះអាចនាំ ឲ្យមានផលវិបាកខូចដល់តម្រងនោម ប្រឹសបេះដូង និងសន្លាក់កូនក្មេង ។ បញ្ហាអនាម័យ ជំនឿផ្តេសផ្តាស ទំលាប់ បញ្ហាអាហារូបត្ថម្ភ ការបង្រៀនកូន ការផ្តល់គំនិតខុសឆ្គង។ ភាគរយកុមារកម្ពុជាច្រើនណាស់ដែលមានបញ្ហាកង្វះអាហារូបត្ថម្ភ ភាគច្រើនមិនមែនដោយសារខ្វះអីហូបទេ តែដោយសារការយល់ដឹងរបស់ឪពុកម្តាយ។ នេះបើតាមការបកស្រាយរបស់លោកវេជ្ជបណ្ឌិត ហ៊ាង រតនា៕
