• 2021-02-16 06:47:10
  • ព័ត៌មាន

ជនជាតិជប៉ុនល្បីថា បាត់កាបូបលុយ ដើររើសអេតចាយតាមផ្លូវ ពេលនេះសមត្ថកិច្ចបញ្ជូនទៅស្ថានទូតជប៉ុនហើយ

  • 2021-02-16 06:47:10
  • ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិជប៉ុន​ ដែលសារព័ត៌មានបានចុះផ្សាយថាដេីរស្នាក់នៅតាមសួនសាធារណ: ត្រូវបានសមត្ថកិច្ចរកឃេីញ​ ហេីយបានរៀបចំឯកសារតាមនីតិវិធី​ បញ្ជូនឲ្យស្ថានទូតជប៉ុននៅព្រឹកថ្ងៃទី១៦​ ខែកុម្ភ: ឆ្នាំ២០២១​ ។

បន្ទាប់ពីបានឃេីញការចុះផ្សាយតាមសារព័ត៌មាននានាលេីបណ្តាញសង្គមហ្វេសបុក​ ឯកឧត្តម​ ឧត្តមសេនីយ៍ឯក​ ស​ ថេត​ អគ្គស្នងការរង​ និងជាស្នងការនគរបាលរាជធានីភ្នំពេញ​ បានចុះស្រាវជ្រាវរកបុរសជនជាតិជប៉ុន និងបានរកឃេីញបុរសជនជាតិជប៉ុនឈ្មោះ​ Gen Kubuta អាយុ៤១ឆ្នាំ​ នៅម៉ោង ១១:០០នាទីព្រឹកថ្ងៃទី១៥​ ខែកុម្ភ: ឆ្នាំ២០២១​ នៅត្រង់ចំណុចសួនមុខវត្តបទុម​ ។ បន្ទាប់មកសមត្ថកិច្ច​ បាននាំគាត់ទៅពិនិត្យសុខភាពដេីម្បីធ្វើតេស្តរកមេរោគCovid-19​ នៅមន្ទីរពិសោធន៍ជាតិសុខភាពសាធារណៈរាជធានីភ្នំពេញ​ ជាលទ្ធផលគឺអវិជ្ជមាន​ ។

ជាក់ស្តែងបុរសជនជាតិជប៉ុនរូបនេះបានចូលមកព្រះរាជាណាចក្រកម្ពុជាតាំងពីថ្ងៃទី១៨​ ខែមិនា​ ឆ្នាំ២០២០​ តាមច្រកព្រលានយន្តហោះអន្តរជាតិភ្នំពេញ​ ដោយបាត់លិខិតឆ្លងដែន​ និងវីសាហួសសុពលភាព​ ហេីយខ្វះខាតថវិកា​ ទេីបមិនអាចត្រឡប់ទៅប្រទេសជប៉ុនវិញបាន​ ។ បន្ទាប់ពីធ្វេីការសាកសួរ​ និងពិនិត្យសុខភាពរួចរាល់​ នៅវេលាម៉ោង​ ០៨:៣០នាទីព្រឹកថ្ងៃទី១៦​ ខែកុម្ភ: ឆ្នាំ២០២១​ សមត្ថកិច្ចក៏បានបញ្ជូនជនជាតិជប៉ុនរូបនេះទៅឲ្យស្ថានទូតជប៉ុនប្រចាំព្រះរាជាណាចក្រកម្ពុជា​ ៕

អត្ថបទ៖ Tep Sovannmoly

មតិយោបល់
អត្ថបទពេញនិយម