- 2021-02-25 12:57:40
- ព័ត៌មាន
រដ្ឋបាលខេត្ត អំពាវនាវកុំឲ្យប្រជាជនចេញ-ចូលក្រុងព្រះសីហនុ
- 2021-02-25 12:57:40
- ចំនួនមតិ 0 | ចំនួនចែករំលែក 0
រដ្ឋបាលខេត្ត អំពាវនាវកុំឲ្យប្រជាជនចេញ-ចូលក្រុងព្រះសីហនុ
ចន្លោះមិនឃើញ
រដ្ឋបាលខេត្តព្រះសីហនុ បានអំពាវនាវមិនឲ្យប្រជាជនខ្មែរ ក៏ដូចជាជនបរទេស ដែលកំពុងស្នាក់នៅក្នុងខេត្តព្រះសីហនុ ចល័តចេញពីក្រុង ទៅកាន់រាជធានីភ្នំពេញ ឬ ខេត្តនានា ហើយក៏អំពាវនាវកុំឲ្យអ្នកពីស្រុកនានាចូលខេត្តនេះផងដែរ។
ការអំពាវនាវនេះបានធ្វើឡើង ក្រោយមានការចម្លងជំងឺកូវីដ-១៩ ជាសហគមន៍ឆ្លងដល់ខេត្តជាប់មាត់សមុទ្រមួយនេះ កាលពីពេលថ្មីៗកន្លងទៅ។
បើតាមលិខិតរបស់សាលាខេត្តកំពង់សោមបានឲ្យដឹងថា មកទល់ពេលនេះខាងអាជ្ញាធរសុខាភិបាលខេត្តបានធ្វើតេស្តអ្នកពាក់ព័ន្ធបានចំនួនប្រមាណ ១,៥០០សំណាកមកហើយ។
គិតមកទល់ពេលនេះ គ្រឹះស្ថានទាំងសាធារណៈ និងឯកជននៅក្នុងក្រុងព្រះសីហនុ និងស្រុកស្ទឹងហាវបានផ្អាកដំណើរការ ខណៈសណ្ឋាគារ កាស៊ីណូ និងកន្លែងកម្សាន្តនានាក៏បានស្ម័គ្រចិត្តបិទផងដែរ៕