- 2021-03-01 14:15:32
- ព័ត៌មាន
ណាហ្គាសន្យាពង្រឹងវិធានការសុវត្ថិភាពរបស់ក្រុមហ៊ុនខ្លួន ក្រោយស្ម័គ្រចិត្តផ្អាកបណ្ដោះអាសន្ន
- 2021-03-01 14:15:32
- ចំនួនមតិ 0 | ចំនួនចែករំលែក 0
ណាហ្គាសន្យាពង្រឹងវិធានការសុវត្ថិភាពរបស់ក្រុមហ៊ុនខ្លួន ក្រោយស្ម័គ្រចិត្តផ្អាកបណ្ដោះអាសន្ន
ចន្លោះមិនឃើញ
ក្រុមហ៊ុនណាហ្គា ដែលជាភាសាអង់គ្លេសថា NagaCorp បានស្ម័គ្រចិត្តផ្អាកអាជីវកម្មរបស់ខ្លួនបណ្ដោះអាសន្ន ក្រោយរកឃើញថាមានបុគ្គលិកចំនួន ១១នាក់មានលទ្ធផលវិជ្ជមានជំងឺកូវីដ-១៩។
ក្នុងសេចក្ដីប្រកាសជាភាសាអង់គ្លេស សរសេរមកពីដែនដីហុងកុង ក្រុមហ៊ុនបានធ្វើការផ្អាកនេះ ដើម្បីពិនិត្យឡើងវិញនូវវិធានការបង្ការ និងការពាររបស់ខ្លួន ហើយព្រមទាំងលាងសម្អាតអគារ ក្នុងគោលបំណងការពារបុគ្គលិក និងភ្ញៀវចូលមកទស្សនា។
NagaCorp បានលើកឡើងថា បុគ្គលិករបស់ខ្លួនចំនួន ៣ពាន់នាក់ត្រូវបានធ្វើតេស្តរកជំងឺកូវីដ-១៩ កំឡុងថ្ងៃទី២៧ ខែកុម្ភៈ កន្លងទៅ។ ក្រោយពីមានការពិភាក្សាជាមួយក្រសួងសុខាភិបាល ខ្លួនក៏សម្រេចផ្អាកបណ្ដោះអាសន្នតែម្ដងទៅ។
ណាហ្គាបានសង្កត់ធ្ងន់ថា យល់ថាវិធានការ ដែលមានស្រាប់របស់ខ្លួនមិនទាន់គ្រប់គ្រាន់នៅឡើយទេ ហើយមានបំណងពង្រឹងឲ្យល្អជាងមុន។ ខាងក្រុមហ៊ុននឹងបើកឡើងវិញ នៅពេលដែលស្ថានភាពធូរស្បើយ ដោយមានការពិគ្រោះយោបល់ជាមួយក្រសួងសុខាភិបាលកម្ពុជា៕