- 2021-05-03 07:52:11
- ព័ត៌មាន
កុំច្រឡំ! ៣ថ្ងៃទៀត នឹងបញ្ចប់ការបិទខ្ទប់រាជធានីមែន តែនៅកំណត់តំបន់ចំនួនបីដដែលគ្រាន់តែបង្រួមតូច
- 2021-05-03 07:52:11
- ចំនួនមតិ 0 | ចំនួនចែករំលែក 0
កុំច្រឡំ! ៣ថ្ងៃទៀត នឹងបញ្ចប់ការបិទខ្ទប់រាជធានីមែន តែនៅកំណត់តំបន់ចំនួនបីដដែលគ្រាន់តែបង្រួមតូច
ចន្លោះមិនឃើញ
នៅក្នុងកិច្ចប្រជុំគណៈបញ្ជាការឯកភាពរដ្ឋបាលរាជធានីភ្នំពេញតាមរយៈប្រព័ន្ទវិដេអូនៅព្រឹកថ្ងៃទី៣ ខែឧសភានេះឯកឧត្តម ឃួង ស្រេង អភិបាលរាជធានីភ្នំពេញ បានបញ្ជាក់ថា រាជរដ្ឋាភិបាលនឹងបើកឱ្យធ្វើចរាចរណ៍ឡើងវិញនៅទូទាំងប្រទេសពីតំបន់មួយទៅតំបន់មួយពី ខេត្តមួយទៅខេត្តមួយនៅថ្ងៃទី៦ ខែឧសភា។
ប៉ុន្តែសម្រាប់ភ្នំពេញនៅរក្សាតំបន់បីដដែលគឺតំបន់លឿង តំបន់លឿងទុំ និងតំបន់ក្រហម។ ឯកឧត្តមបាន ជំរុញឲ្យអាជ្ញាធរខណ្ឌកងកម្លាំងមានសមត្ថកិច្ចត្រូវពង្រឹងឲ្យបានម៉ត់ចត់ទៅលើទីតាំងដែលបានកំណត់ ចៀសវាងការបន្តរីករាលដាលជម្ងឺកូវីដ១៩ ទៅតំបន់ផ្សេងទៀត។
វិធានការបិទខ្ទប់របស់រាជរដ្ឋាភិបាល នឹងបញ្ចប់នៅថ្ងៃទី៥ ខែឧសភា ខាងមុខនេះមានន័យថា អាជ្ញាធរមិនមែនបើករាជធានីភ្នំពេញទាំងស្រុងនោះទេ ដោយខ្លាចមានការរាលដាលជំងឺកូវីដ១៩ នេះទៅតំបន់ផ្សេងទៀត។ ដូច្នេះក្រោយថ្ងៃ៥ ខែឧសភា ការបិទខ្ទប់តំបន់មួយចំនួន គឺនៅរក្សាដដែលជាមួយនឹងការហាមប្រាម ការធ្វើចរាចរណ៍នៅតំបន់មួយចំនួន ហាមប្រាមការបើកហាងផឹកស៊ី...ល។
កាលពីយប់ថ្ងៃទី២ ខែឧសភា សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានប្រកាសថា នឹងមិនបន្ដបិទរាជធានីភ្នំពេញ និងតាមបណ្ដាខេត្តទៀតនោះទេពោលអាចនឹងបិទតំបន់តូចៗមួយចំនួនដែល មានហានិភ័យខ្ពស់ លើការឆ្លងជំងឺកូវីដ១៩តែប៉ុណ្ណោះ៕