- 2021-06-04 04:18:41
- ព័ត៌មាន
ឥណ្ឌូនេស៊ី លុបចោលបុណ្យសាសនាដែលមានការជួបជុំរាប់ម៉ឺននាក់ជាលើកទីពីរ ដោយសារកូវីដ
- 2021-06-04 04:18:41
- ចំនួនមតិ 0 | ចំនួនចែករំលែក 0
ឥណ្ឌូនេស៊ី លុបចោលបុណ្យសាសនាដែលមានការជួបជុំរាប់ម៉ឺននាក់ជាលើកទីពីរ ដោយសារកូវីដ
ចន្លោះមិនឃើញ
ឥណ្ឌូនេស៊ីបានលុបចោលការធ្វើធម្មយាត្រាបុណ្យហាចដ៏ធំបំផុតសម្រាប់ប្រជាជននៅក្នុងប្រទេសដែលមានប្រជាជនមូស្លីមច្រើនបំផុតនៅលើពិភពលោកសម្រាប់ឆ្នាំទីពីរជាប់ៗគ្នា ដោយសារតែមានការព្រួយបារម្ភអំពីជំងឺរាតត្បាតកូវីដ១៩។
សម្រាប់ប្រជាជនឥណ្ឌូនេស៊ីភាគច្រើន ការធ្វើធម្មយាត្រាសាសនានេះគឺជាព្រឹត្តិការណ៍ដែលត្រូវតែធ្វើឱ្យបានម្តងក្នុងមួយជីវិត ជាមួយពេលវេលារង់ចាំជាមធ្យម ២០ ឆ្នាំដោយសារតែប្រព័ន្ធកូតា។ យ៉ាងណាដោយសារតែជំងឺរាតត្បាតនិងដើម្បីសុវត្ថិភាពរបស់អ្នកធ្វើធម្មយាត្រារដ្ឋាភិបាលបានសម្រេចថាឆ្នាំនេះខ្លួននឹងមិនអនុញ្ញាតឱ្យអ្នកធ្វើធម្មយាត្រាឥណ្ឌូនេស៊ីធ្វើដំណើរសាជាថ្មីម្តងទៀត។
មិនមែនតែឥណ្ឌូនេស៊ីមួយនោះទេ គ្មានប្រទេសណាមួយបានទទួលកូតានោះទេ។ អារ៉ាប៊ីសាអូឌីតបានលុបចោលបម្រាមលើអ្នកធ្វើដំណើរមកពី ១១ ប្រទេសដែលខ្លួនបានដាក់បម្រាមដើម្បីទប់ស្កាត់ការរីករាលដាលនៃវីរុសកូរ៉ូណា ប៉ុន្តែនៅតែតម្រូវឱ្យធ្វើចត្តាឡីស័ក១៤ថ្ងៃ។
មុនពេលជំងឺរាតត្បាតបង្កឱ្យមានវិធានការរក្សាគម្លាតសង្គមនៅទូទាំងពិភពលោក អ្នកធ្វើធម្មយាត្រាប្រមាណ ២,៥លាននាក់បានទៅកន្លែងដ៏ពិសិដ្ឋបំផុតរបស់សាសនាអ៊ីស្លាមនៅទីក្រុងមេកានិងទីក្រុងមេឌីណាសម្រាប់ពិធីបុណ្យហាចរយៈពេលមួយសប្តាហ៍៕
