• 2021-06-28 08:33:02
  • ព័ត៌មាន

ពិភពលោកចាប់អារម្មណ៍ក្រោយ​ មេដឹកនាំកូរ៉េខាងជើង លោក គីម ជុនអ៊ុន ហាក់ស្រកទម្ងន់ ខុសធម្មតា

  • 2021-06-28 08:33:02
  • ចំនួនមតិ 0 | ចំនួនចែករំលែក 0

ចន្លោះមិនឃើញ

លោក គីម ជុនអ៊ុន មេដឹកនាំកូរ៉េខាងជើង បានបង្ហាញខ្លួនជាសាធារណៈវិញ យ៉ាងកម្រក្រោយបាត់មុខមួយរយៈ រហូតមានចចាមអារ៉ាម ពីការធ្លាក់ខ្លួនឈឺ និងព័ត៌មានខ្លះថាលោកបានស្លាប់បាត់បង់ជីវិតទៀតផង។

យ៉ាងណា ការមកវិញលើកនេះ លោកគីម ហាក់មានរាងតូចជាងមុន ស្គមជាងមុនដែលនាំឲ្យគេនឹកដល់ចចាមអារ៉ាម គឺការធ្លាក់ខ្លួនឈឺរបស់មេដឹកនាំ កុម្មុយនីស្ត វ័យក្មេងរូបនេះ។ ទូរទស្សន៍រដ្ឋរបស់កូរ៉េខាងជើងកាលពីពេលថ្មីៗបានចាក់ផ្សាយបទសម្ភាសន៍របស់ប្រជាជនកូរ៉េខាងជើងម្នាក់ដែលបានសម្តែងការព្រួយបារម្ភជុំវិញរូបរាងតូចជាងមុនរបស់លោក គីម ជុនអ៊ុន ស្របពេលដែលមានការសង្ស័យថា លោកបានស្រកទម្ងន់ច្រើន។

ក្រសួងបង្រួបបង្រួមនៅពេលមុននេះបាននិយាយថា ខ្លួនកំពុងឃ្លាំមើលអំពីសុខភាពរបស់លោក គីម ប៉ុន្តែមិនមានអ្វីត្រូវនិយាយអំពី​សញ្ញាមិន​ធម្មតាណាមួយជុំវិញការស្រកទម្ងន់របស់លោកនោះទេ៕

ប្រភព៖ Yonhapnews

មតិយោបល់
អត្ថបទពេញនិយម