/August_Art_2021/Covid_August/PhnomPenh_August/Infeceted_August/61074e9d55bf8_1627868820_medium.jpg)
- 2021-08-02 01:56:32
- ព័ត៌មាន
ទាំងយប់គ្រូពេទ្យចុះទៅយកសំណាកលើមនុស្សច្រើននាក់ នៅតំបន់មួយក្រុងភ្នំពេញ សង្ស័យផ្ទុះឆ្លងវីរុស Delta
- 2021-08-02 01:56:32
- ចំនួនមតិ 0 | ចំនួនចែករំលែក 0
ទាំងយប់គ្រូពេទ្យចុះទៅយកសំណាកលើមនុស្សច្រើននាក់ នៅតំបន់មួយក្រុងភ្នំពេញ សង្ស័យផ្ទុះឆ្លងវីរុស Delta
ចន្លោះមិនឃើញ
ក្រសួងសុខាភិបាលបានរកឃើញវីរុសកូវីដ១៩បំប្លែងថ្មីប្រភេទ (Delta) ជាច្រើនករណីនៅរាជធានីភ្នំពេញ ខណៈកាលពីយប់ថ្ងៃទី ១ សីហា ឆ្នាំ ២០២១ នេះ ក្រុមគ្រូពេទ្យបានចុះទៅយកសំណាកភ្លាមៗ លើពលរដ្ឋជាច្រើននាក់នៅតំបន់ បឹងសាឡាង ដោយសារតែមានការសង្ស័យថា មានផ្ទុះវីរុសប្រភេទ (Delta) ថ្មីនៅទីនោះ។ នេះបើតាមការបង្ហោះនៅលើផេកផ្លូវការ គ្រូពេទ្យស្ម័គ្រចិត្តយុវជនសម្តេចតេជោ។
នៅយប់ថ្ងៃទី០១ ខែសីហា ឆ្នាំ២០២១ ប្រជាពលរដ្ឋជាច្រើននាក់ នៅជិតសាលាសង្កាត់បឹងសាឡាង ខណ្ឌ ទួលគោក ត្រូវបានក្រុមគ្រូពេទ្យធ្វើតេស្តភ្លាមៗ បន្ទាប់ពីមានការសង្ស័យថាមានករណីផ្ទុះកូវីដ១៩បំប្លែងថ្មី នៅក្នុងទីតាំងនោះ។ គួរបញ្ជាក់ដែរថា សម្រាប់លទ្ធផល នៃការធ្វើតេស្ត នៅមិនទាន់មានការបញ្ជាក់នៅឡើយនោះទេ។ យ៉ាងណា សូមបងប្អូនប្រជាពលរដ្ឋ បង្កើនការប្រុងប្រយ័ត្ន និងសម្របខ្លួនរស់នៅជាមួយបរិបទថ្មីមួយនេះ ជាពិសេសសូមថែរក្សាសុខភាព និងការពារខ្លួនឲ្យបានយ៉ាងខ្ជាប់ខ្ជួនតាមគោលការរបស់ក្រសួងសុខាភិបាល ៕
