• 2021-08-16 01:52:08
  • ព័ត៌មាន

អ៊ំស្រីម្នាក់សប្បាយចិត្តខ្លាំងក្រោយចេញពីចាក់វ៉ាក់សាំង ថាស្រួលខ្លួនជាងមុន ហើយជូនពរសម្ដេចឱ្យមានអាយុ ២០០ឆ្នាំ

  • 2021-08-16 01:52:08
  • ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ នៅក្នុងបណ្តាញសង្គម TikTok មហាជនមានការចាប់អារម្មណ៍ខ្លាំងទៅលើវិដេអូ អ៊ំស្រីម្នាក់ដែលទើបចេញមកពីចាក់វ៉ាក់សាំងការពារវីរុសកូវីដ ដោយក្តីរំភើបរីករាយ។ លើសពីនេះ អ៊ំស្រីថែមទាំងបានអរគុណចំពោះសម្តេច ហ៊ុន សែន ដែលខិតខំខ្នះខ្នែងស្វែងរកវ៉ាក់សាំងមកចាក់ឱ្យអ៊ស្រី ក៏ដូចជាប្រជាជនខ្មែរនៅទូទាំងប្រទេស។ ដោយក្តីត្រេកអរ និងសប្បាយរីករាយ អ៊ុំស្រីខាងលើ បានធ្វើការជូនពរសម្តេច ឱ្យមានអាយុ ២០០ឆ្នាំ ។ វីដេអូ​នៅក្នុង TikTok នោះត្រូវសម្តេចបង្ហោះនៅលើទំព័រហ្វេសប៊ុកផ្លូវការរបស់សម្តេច កាលពីម្សិលមិញ ពោលគឺនៅថ្ងៃទី ១៥ ខែសីហា ឆ្នាំ២០២១។

តាមទិន្នន័យបង្ហាញដោយក្រសួងសុខាភិបាល កំណេីនអត្រាចាក់វ៉ាក់សាំងកូវីដ-១៩​ នៅកម្ពុជា​ គិតត្រឹមថ្ងៃទី១៥ ខែសីហា ឆ្នាំ២០២១​ មាន​ ៨៣,៩៧%​ ធៀបជាមួយចំនួនប្រជាជនគោលដៅ​ ១០លាននាក់។​ ចំណែកកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ២៨,០៥% ធៀបជាមួយនឹងប្រជាជនគោលដៅ ១,៩៦៦,៩៣១ នាក់។

បច្ចុប្បន្នយុទ្ធនាការចាក់វ៉ាក់សាំងដូសទី៣ ឫ ដូសជម្រុញកំពុងដំណើរការនៅតាមស្ថាប័ន និងអង្គភាពដែលពាក់ព័ន្ធ។ ការចាក់ដូសទី៣ គឺក្នុងគោលបំណងបង្កើនភាពសុាំរបស់អង្គបដិប្រាណ ដើម្បីឈានទៅទប់ស្កាប់ការឆ្លងរាលដាលនៃវីរុសកូវីដបំប្លែងថ្មី ប្រភេទដែលតា (Delta) ដែលមានសមត្ថភាពឆ្លងលឿន និងអាចបង្កហានិភ័យខ្លាំងជាងវីរុសកូវីដធម្មតា៕

ទស្សនាវីដេអូខាងក្រោម ៖

អត្ថបទ ៖ សង្ហា

មតិយោបល់
អត្ថបទពេញនិយម