បើអ្នកបានចាក់វ៉ាក់សាំងការពារវីរុសកូវីដ ១៩ ពេញលេញហើយនោះ បានន័យថាអ្នកអាចបោះជំហានដំបូងដើម្បីការពារខ្លួនឯង និងគ្រួសារហើយ។ តួយ៉ាង ត្រូវប្រាកដថាសមាជិកគ្រប់រូបនៅក្នុងគ្រួសាររបស់អ្នកដែលមានអាយុចាប់ពី ១២ ឆ្នាំឡើងទៅ បានទទួលការចាក់វ៉ាក់សាំងប្រឆាំងនឹងជំងឺកូវីដ ១៩គ្រប់គ្នា។

នាំមកជូនដោយ៖ Manulife -គាំទ្រការស្រឡាញ់សុខភាព

យ៉ាងណាមិញ សម្រាប់កុមារតូចៗមិនទាន់មានការការពារសម្រាប់ពួកគាត់នោះទេ អាស្រ័យហេតុនេះហើយ បើស្រលាញ់កូនតូចរបស់លោកអ្នក ចាំបាច់គួរតែអនុវត្តតាមវិធីសាស្ត្រខាងក្រោមនេះ៖

១. គោរពតាមគោលការណ៍របស់ក្រសួងសុខាភិបាល ជាមួយវិធានការ ៣កុំ ៣ការពារ

• ៣ ការពារ៖ ពាក់ម៉ាស ឱ្យបានត្រឹមត្រូវ លាងសម្អាតដៃឱ្យបានស្អាតជាមួយសាប៊ូ និងអាកុល ឱ្យបានញឹកញាប់មុនពេលយកដៃ ប៉ះផ្ទៃមុខ ឬចាប់កាន់អាហារ និងរក្សាគម្លាតសុវត្ថិភាពយ៉ាងហោចណាស់ ១ម៉ែត្រកន្លះពីគ្នា។
• ៣ កុំ ៖ កុំចូលទៅកន្លែងបិទជិតគ្មានខ្យល់ចេញចូល កុំទៅកន្លែងដែលមានមនុស្សច្រើនកុះករ កុំប៉ះពាល់គ្នាដោយផ្ទាល់ ដូចជាចាប់ដៃ ឱប ឬ កៀកស្មា។

កំឡុងពេលនេះ វិធានការសុវត្ថិភាព សម្រាប់កុមារគឺត្រូវការជាចាំបាច់ជាងពេលណាៗទាំងអស់ ការពារកូនៗពីវីរុសឆ្លងកូវីដ-១៩ ដោយ៖

• បើកទូលាយ និងស្ដាប់ហេតុផល ៖ អនុញ្ញាតឱ្យកូនអ្នកនិយាយ និងសួរសំណួរដោយសេរី។
• ស្មោះត្រង់ និងនិយាយការពិត៖ ឆ្លើយចម្លើយពិតប្រាប់ទៅកូនៗ ដោយប្រើវិធីសាស្ដ្រផ្សេងៗគ្នា អាស្រ័យទៅតាមអាយុពួកគាត់។
• បង្រៀនកូនរបស់អ្នកអំពីការរក្សាចម្ងាយសុវត្ថិភាព ៖ ដោយធ្វើជាគំរូ បង្ហាញឱ្យកូនបានឃើញ បើកវីដេអូអប់រំអំពីការការពារ ឬបង្ហាញរូបភាពឱ្យមើល។

• មិនគួរអនុញ្ញាតឱ្យមានភ្ញៀវមកលេងនៅផ្ទះ៖ ព្រោះវីរុសឆ្លងមិនអាចមើលឃើញនឹងភ្នែកបានទេ ហេតុនេះការពារប្រសើរជាងព្យាបាល។
• សម្អាត និងរក្សាអនាម័យគ្រប់ពេល៖ វីរុសអាចទុំជាប់សម្លៀកបំពាក់ និងរបស់របរប្រើប្រាស់ ដូច្នេះគួរសម្អាតឱ្យបានស្អាតជារៀងរាល់ថ្ងៃ។
• ញ៉ាំអាហារដែលចម្អិនឱ្យបានឆ្អិនល្អ និងមានជាតិវីតាមីនគ្រប់គ្រាន់ ដើម្បីពង្រឹងប្រព័ន្ធភាពស៊ាំឱ្យបានរឹងមាំ

• គួរប្រើប្រាស់ប្រភេទម៉ាសសម្រាប់កុមារ៖ ម៉ាសដែលត្រូវនឹងទំហំមុខរបស់កូន និងពាក់ឱ្យបានត្រឹមត្រូវ។

យ៉ាងណាមិញ ក្មេងក្រោមពីរឆ្នាំ មិនគួរឱ្យពាក់ម៉ាសនោះទេ ព្រោះពួកគេមិនទាន់ចេះពាក់ និងស៊ាំនឹងការពាក់ ហេតុនេះ ពួកគេអាចនឹងទាញម៉ាសចេញនោះចេញ។ ដូច្នេះគួរតែកុំចេញក្រៅ តែបើចង់ចេញក្រៅ គួរឧស្សាហ៍បើកមើលជៀសវាងកូន ដកដង្ហើមមិនរួច។ សុខភាព និងសុវត្ថិភាព ជារឿងចម្បងដែលគួរគិតគូរមុនគេ៕