- 2021-09-17 07:46:37
- ព័ត៌មាន
អតីតកាលនៃវត្តស្រះកែវមុនីវណ្ណក្នុងកំឡុងឆ្នាំ១៩២០ បន្យល់នូវព្រះវិហារមានលក្ខណៈប្លែកពីព្រះវិហារនានា
- 2021-09-17 07:46:37
- ចំនួនមតិ 0 | ចំនួនចែករំលែក 0
អតីតកាលនៃវត្តស្រះកែវមុនីវណ្ណក្នុងកំឡុងឆ្នាំ១៩២០ បន្យល់នូវព្រះវិហារមានលក្ខណៈប្លែកពីព្រះវិហារនានា
ចន្លោះមិនឃើញ
វត្តស្រះកែវមុនីវណ្ណ (ហៅវត្តលើ) មានទីតាំងស្ថិតនៅក្នុងភូមិលើ សង្កាត់ស្រះឫស្សី ក្រុងស្ទឹងត្រែង ខេត្តស្ទឹងត្រែង វត្តនេះមានអាយុកាលយូរណាស់មកហើយ។
ក្នុងរូបថតខាងក្រោមយើងសង្កេតឃើញព្រះវិហារដែលមានលក្ខណៈប្លែកពីព្រះវិហារនានានៅក្នុងប្រទេសកម្ពុជាយើង (បច្ចុប្បន្នយើងពុំឃើញវិហារនេះទៀតទេ ជំនួសដោយវិហារពីជាន់ដែលសាងនៅសម័យក្រោយ)។ នៅមុខវិហារមានតោថ្មពីរ មានសណ្ឋានដូចតោចិន យ៉ាងសង្ហា(បច្ចុប្បន្នក៏ពុំឃើញដែរ ជំនួសដោយតោថ្មី បែបខ្មែរ តែមិនសូវជាមានសោភ័ណភាពដូចពីមុនទេ)។
ឧបដ្ឋានសាលា សង់ផ្ទាល់ដីនៅខាងត្បូងព្រះវិហារ ត្រូវបានរក្សាទុករហូតមកដល់សព្វថ្ងៃ ទំនងជាមានអាយុជាង១០០ឆ្នាំហើយ ( កសាងនៅឆ្នាំ១៨៩៧ បច្ចុប្បន្នមានការផ្លាស់ប្តូរខ្លះនៃផ្នែកដំបូល)។ ព្រះធាតុ បច្ចុប្បន្នមានសណ្ឋានជាចេតិយលាបពណ៌ទឹកមាស(ពីមុនពណ៌ស) បានរងការខូចខាតកំពូលនៅសម័យសង្គ្រាម តែក៏អាចរក្សាមកដល់បច្ចុប្បន្ន គ្រាន់តែការជួសជុលកំពូលមានការផ្លាស់ប្តូរទំរង់ខុសពីទម្រង់ដើម៕
ប្រភព៖ បុរាណចារ្យ