- 2021-09-27 01:24:56
- ព័ត៌មាន
រំភើបណាស់! ក្រុមអភិរក្សបានប្រទះឃើញ ព្រះសិរមេទេវតាផ្នែកកន្ទុយនាគនៅខ្លោងទ្វារតាកាវ
- 2021-09-27 01:24:56
- ចំនួនមតិ 0 | ចំនួនចែករំលែក 0
រំភើបណាស់! ក្រុមអភិរក្សបានប្រទះឃើញ ព្រះសិរមេទេវតាផ្នែកកន្ទុយនាគនៅខ្លោងទ្វារតាកាវ
ចន្លោះមិនឃើញ
ព្រះសិរ (ក្បាល) មេទេវតាផ្នែកកន្ទុយនាគនៅខ្លោងទ្វារតាកាវ ត្រូវបានប្រទះរកឃើញកាលពីសប្ដាហ៍មុនដោយក្រុមអ្នកជំនាញក្នុងការដ្ឋានជួសជុលខ្លោងទ្វារតាកាវរបស់អាជ្ញាធរជាតិអប្សរា និងត្រៀមដាក់ចូលកន្លែងដើមវិញក្រោយបាក់បែកកប់ក្នុងដីអស់កាលជាច្រើនរយឆ្នាំ។
នៅក្នុងការដ្ឋានជួសជុលនេះដែរកន្លងមកក្រុមការងារបានរកឃើញបំណែកវត្ថុសិល្បៈ រូបចម្លាក់ជាបន្តបន្ទាប់ ដែលក្នុងនោះមានដូចជាក្បាលយក្សចំនួន០៣នៅពេញល្អ ឯក្បាល០៣ទៀតមានត្រឹមតែពាក់កណ្ដាល។ ចំពោះ ដងខ្លួនអសុរៈបានរកឃើញចំនួន០៤។ រីឯព្រះសិរទេវតាបានរកឃើញចំនួន០៣ ក្នុងនោះចំនួន០២នៅពេញល្អ និង០១ទៀតមានត្រឹមពាក់កណ្ដាលស្មាដល់បបូរមាត់។
ខ្លោងទ្វារតាកាវ គឺជាខ្លោងទ្វារមួយ ក្នុងចំណោមខ្លោងទ្វារទាំង៥ នៃក្រុងអង្គរធំ ដែលស្ថិតនៅទិសខាងលិច នៃប្រាសាទបាយ័ន។ ខ្លោងទ្វារនេះ ត្រូវបានធ្វើពិធីក្រុងពាលី បើកការដ្ឋានជួសជុលគោបុរៈខ្លោងទ្វារអង្គរធំ ហៅ ខ្លោងទ្វារតាកាវ ដែលមានសភាពទ្រុឌទ្រោមខ្លាំង កាលពីរសៀលថ្ងៃទី២១ ខែកុម្ភៈ ឆ្នាំ២០២១កន្លងទៅ។
ខ្លោងទ្វារតាកាវសង់អំពីថ្មភក់ និងថ្មបាយក្រៀម ដែលមានកំពូលរូបព្រហ្មមុខបួនចំនួន៣ នៅពីលើ កំពូលកណ្ដាលមានកម្ពស់រហូតដល់២៣ម៉ែត្រ។ រីឯតាមចំណុចកែងនៃខ្លោងទ្វារ មានរូបព្រះឥន្ទគង់លើដំរីក្បាលបី ហើយនៅខាងលិចមានស្ពានហាលដែលមានលម្អដោយរូបទេវតា និងយក្សទាញព្រ័ត្រ (កូរសមុទ្រទឹកដោះ)៕
ប្រភពរូបភាព៖ ឯកឧត្តម គឹម សុធិន