- 2021-11-28 05:58:28
- ព័ត៌មាន
សមាជិកសភានូវែលហ្សេឡង់ម្នាក់ ជិះកង់ ទៅឆ្លងទន្លេ នៅ មន្ទីរពេទ្យ
- 2021-11-28 05:58:28
- ចំនួនមតិ 0 | ចំនួនចែករំលែក 0
សមាជិកសភានូវែលហ្សេឡង់ម្នាក់ ជិះកង់ ទៅឆ្លងទន្លេ នៅ មន្ទីរពេទ្យ
ចន្លោះមិនឃើញ
លោកស្រី Julie Anne Genter សមាជិកសភាមួយរូបប្រចាំប្រទេសនូវែលហ្សេឡង់ បានជិះកង់ទៅសម្រាលមាតុភាពនៅឯមន្ទីរពេទ្យ។ នេះបើយោងតាមការចុះផ្សាយនៅបណ្ដាញសង្គម Facebook លោកស្រីផ្ទាល់នៅក្នុងថ្ងៃនេះ។
បើតាមការចុះផ្សាយដោយលោកស្រី Julie នេះបានឲ្យដឹងថា លោកស្រីមិនមានគម្រោងជិះកង់ទៅឆ្លងទន្លេបែបនេះទេ តែដោយសារតែមន្ទីរពេទ្យនៅជិត ហើយស្ថានភាពលោកស្រីនៅពេលចេញដំណើរទៅមន្ទីរពេទ្យនៅម៉ោង២ កណ្ដាលអធ្រាត្រថ្ងៃនេះអាចធ្វើដំណើរដោយកង់នេះបាន។ លុះ១០នាទីក្រោយមកលោកស្រីក៏បានទៅដល់មន្ទីរពេទ្យ ហើយនៅម៉ោង ៣: ០៤ ព្រឹកថ្ងៃអាទិត្យនេះ លោកស្រីក៏បានសម្រាលបានកូនស្រីមួយដោយជោគជ័យ។
សូមរំលឹកផងដែរថា នេះមិនមែនជាលើកទីមួយទេ ដែលសមាជិកសភាមកពីគណបក្សបៃតងរូបនេះ បានជិះកង់ទៅឆ្លងទន្លេនៅមន្ទីរពេទ្យបែបនេះ ដោយលោកស្រីក៏ធ្លាប់ធ្វើបែបនេះនៅពេលទៅសម្រាលកូនដំបូងរបស់លោកស្រីផងដែរកាលពីឆ្នាំ២០១៨។
លោកស្រី Julie ត្រូវបានអ្នកនៅក្នុងប្រទេសនូវែលហ្សេឡង់ស្គាល់ថា ជាអ្នកស្រលាញ់ការជិះកង់ និងជាពិសេសគឺជាអ្នកតស៊ូមតិលើកកម្ពស់ការជិះកង់ធម្មតា ក៏ដូចជាកង់អាគុយដើម្បីជួយបរិស្ថានប្រទេសនេះឲ្យល្អប្រសើរ៕