ទិដ្ឋភាពទាំងស្រុង ព្រះទីនាំងដឹកព្រះសពសម្ដេចក្រុមព្រះ មកដល់ព្រះរាជាណាចក្រកម្ពុជាថ្ងៃនេះ!

2021-12-05 07:11:19
ព័ត៌មាន

2021-12-05 07:11:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីប្រសាសន៍សម្ដេចតេជោ ហ៊ុន សែន កាលពីប៉ុន្មានថ្ងៃនេះបង្ហើបពីផែនការនាំយកព្រះសពរបស់សម្ដេចក្រុមព្រះមកកាន់ប្រទេសកំណើតវិញ ឥឡូវនៅថ្ងៃនេះ សម្បកកាយតែគ្មានវិញ្ញាណរបស់សម្ដេចក្រុមព្រះនរោត្តម នរោត្តម រណឫទ្ធិ ព្រះប្រធានគណបក្សហ៊្វុនស៊ិនប៉ិច និងជាព្រះប្រធាន ឧត្ដមក្រុមប្រឹក្សាផ្ទាល់ព្រះមហាក្សត្រ បានដឹកមកដល់ព្រះរាជាណាចក្រកម្ពុជាហើយ!ឮ

រូបភាព៖ទំព័រហ្វេសប៊ុកព្រះបរមរាជវាំង

ព្រះទីនាំងព្រះសពរបស់សម្ដេចក្រុមព្រះបានមកដល់ព្រលានយន្តហោះអន្តរជាតិភ្នំពេញ នៅម៉ោងប្រមាណ ជាង ១២ថ្ងៃត្រង់នេះ ដោយមានថ្នាក់ដឹកនាំជាន់ខ្ពស់គណបក្សហ្វុនស៊ិនប៉ិច អ្នកមុខអ្នកការ និងមន្ត្រីព្រះបរមរាជវាំងជាច្រើនរូប រង់ចាំទទួលយ៉ាងច្រើន។

ការមកដល់នៃព្រះទីនាំងព្រះសពរបស់សម្ដេចក្រុមព្រះ គឺកើតឡើងតែ២ថ្ងៃ បន្ទាប់ពីសម្ដេចតេជោ ហ៊ុន សែន បានលើកក្នុងថ្ងៃបើកសម្ពោធឲ្យដំណើរហេដ្ឋារចនាសម្ព័ន្ធមួយចំនួននៅខេត្តកំពង់សោម។

សម្តេចក្រុមព្រះ នរោត្តម រណឫទ្ធិ ព្រះប្រធានគណបក្សហ៊្វុនស៊ិនប៉ិច និងជាព្រះប្រធាន ឧត្ដមក្រុមប្រឹក្សាផ្ទាល់ព្រះមហាក្សត្រ ទ្រង់សោយព្រះទិវង្គតនៅថ្ងៃអាទិត្យ ៩រោច ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៨ ខែវិច្ឆិកា ឆ្នាំ២០២១ ក្នុងព្រះជន្មាយុ ៧៧ ព្រះវស្សា ដោយ ព្រះរោគាពាធ ។

រាជរដ្ឋាភិបាលកម្ពុជា បានសម្រេចយកថ្ងៃទី ៨ ធ្នូ ឆ្នាំ ២០២១ នេះ ជាថ្ងៃកាន់ព្រះមរណៈទុក្ខសម្រាប់ការសោយទិវង្គត់របស់សម្ដេចក្រុមព្រះ នរោត្តម រណឫទ្ធិ ដើម្បីជាកិច្ចថ្វាយតបនូវព្រះគុណូបក្ការៈដ៏ធំធេង នៃសម្តេច ដែលពេញមួយព្រះជន្មព្រះអង្គ មានគុណបំណាច់យ៉ាងធំធេងចំពោះ ជាតិ សាសនា ព្រះមហាក្សត្រ៕