វប្បធម៌យើងកាន់តែមានសង្ឃឹម ក្រោយល្ខោន "ព្រះអនរុទ្ធ ព្រះនាងឱស្សា" មានអ្នកចូលទស្សនាច្រើននឹកស្មានមិនដល់!

2021-12-10 07:19:44
ព័ត៌មាន

2021-12-10 07:19:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ទំនោរនៃការស្រឡាញ់សិល្បៈវប្បធម៌របស់ខ្លួន បានកាន់តែដុះដាលក្នុងផ្នត់គំនិតប្រជាពលរដ្ឋ ពិសេសយុវជនខ្មែរ ដែលថ្មីៗនេះ គេឃើញយុវជន យុវតី ពូ មីង ជាច្រើន ក្នុងនោះមានទាំងភរិយាថ្នាក់ដឹកនាំមួយចំនួនទៀតផង ដែលជារឿងនឹកស្មានមិនដល់។

ស្ថានភាពនេះ ជាអ្វីដែលគេមិនអាចរំពឹងទុកបាន ក្នុងនោះសូម្បីតែម្ចាស់កម្មវិធីខ្លួនផងឯង ដែលមិននឹកស្មានថា មានអ្នកគាំទ្រច្រើនដូច្នេះ។ ស្ថិតក្នុងក្រុមល្ខោននៃសិល្បៈខាងលើ ស្ត្រីម្នាក់បានឲ្យដឹង រូបគេពិតជាស្មានមិនដល់ ចំពោះការគាំទ្រមួយនេះ ដែលធ្វើឲ្យនាង និងក្រុមទាំងមូលរីករាយខ្លាំងមែនទែន។

ប្រភពដែលសុំលាក់អត្តសញ្ញាណ ប្រាប់ថា ចំនួននាក់ទស្សនាមានច្រើន ដោយក្នុងនោះ កម្មវិធីបានធ្វើការបែងចែកអ្នកទស្សនាជា ៤ក្រុម ដើម្បីបំបែកកុំឲ្យមានការជួបជុំច្រើន ក្នុងបើតាមប្រភព សម្រាប់ក្រុមក្រុមទី ១ ទី២ និងទី៣ គឺមនុស្សកៅអី(កៅអីគម្លាត)។ ដោយឡែក ក្រុមចុងក្រោយនៅសល់តិចតួច។ យ៉ាងណា រូបគេបញ្ជាក់ថា សរុបជារួម គឺមានទស្សនិកជនច្រើននឹកស្មានមិនដល់។

ល្ខោនរឿង "ព្រះអនរុទ្ធ ព្រះនាងឱស្សា" ជាស្នាព្រះហស្ថរបស់ សម្តេចព្រះមហាក្សត្រីយានី ស៊ីសុវត្ថិមុនីវង្ស កុសុមៈ នារីរ័ត្ថ សិរីវឌ្ឍនា ព្រះមាតាសិល្បៈរបាំព្រះរាជទ្រព្យ ក្នុងអំឡុងទសវត្សន៍ទី៦០។ ក្រុមល្ខោនដែលប្រមូលផ្ដុំដោយសិល្បករចាស់ៗនេះ ទើបបានចាប់ផ្ដើមសកម្មភាពរបស់ខ្លួនឡើងវិញនៅដើមខែធ្នូនេះប៉ុណ្ណោះ បន្ទាប់ពីខកខានដោយសារកូវីដគម្រាមរយៈពេលប្រមាណ ២ឆ្នាំ។

យ៉ាងណា ក៏ដោយការសម្ដែងបានឆក់យកបេះដូងរបស់ទស្សនាឲ្យទប់មិនសរសើរមិនបាន។ តាមអ្នកគ្រប់គ្រងទំព័រ ចតុម្មុខមង្គល បានឲ្យដឹងរូបគេបានទស្សនាចប់រួចរាល់ ២៤ម៉ោងហើយ ប៉ុន្តែគ្រប់ឈុតឆាកនៃការសម្ដែងនៅតែដិតក្នុងអារម្មណ៍របស់គេទៀត ដោយសារការសម្ដែងគឺធ្វើបានល្អខ្លាំងពេក។

ដូចបានជម្រាមពីខាងលើ ការសម្ដែងល្ខោនបុរាណខាងលើ មានទស្សនិកជរាប់រយនាក់ចូលទស្សនា ដែលជាទិដ្ឋភាពកម្រឃើញពីមុនមក ដែលក្នុងនោះគេឃើញមានទាំងសិល្បករ និងភរិយាថ្នាក់ដឹកនាំជាមន្ត្រីរាជរដ្ឋាភិបាលផង។

រូបភាព៖ ចតុម្មុខមង្គល និងទំព័រ ទាង អេង ទៀ សីហា

តារាចម្រៀង ងួន ចាន់ដេវីដ និងទេព បូព្រឹក្ស គឺជាសិល្បករ១គូដែលបានបញ្ចេញជាសាធារណៈថា ពួកគេគាំទ្រ និងចូលទស្សនាការសម្ដែងសិល្បៈបុរាណរបស់ខ្មែរមួយនេះ។ ដោយឡែកលោកជំទាវ ទាង អេង ទៀ សីហា ភរិយាអភិបាល នៃគណៈអភិបាលខេត្តសៀមរាប ក៏បាននាំគ្នីគ្នាមួយក្រុមមកទស្សនាដែរ។ លោកជំទាវ ថែមទាំងបានអះអាងថា មោទកភាព និងរីករាយណាស់ដែលទស្សនា "រឿង ព្រះអនុរុទ្ធ ព្រះនាងឱស្សា" ផ្ទាល់នាពេលនេះ៕

អត្ថបទ៖ ទារិកា