សំណាងអ្នកខេត្តក្រចេះហើយ យឹម តាស្រង់ ប្រកាសឧបត្ថម្ភយុវជនខេត្តក្រចេះរៀនជំនាញ ៥០នាក់

2022-01-08 07:27:33
ព័ត៌មាន

2022-01-08 07:27:33
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនិពន្ធ យឹម តាស្រង់ នៅប៉ុន្មាននាទីមុននេះ បានប្រកាសផ្ដល់ការឧត្តម្ភដល់ប្អូនៗសិស្សានុសិស្សប្រឡប់ចប់បាក់ឌុបមកពីខេត្តក្រចេះ ឲ្យសិក្សាជំនាញដោយឥតគិតថ្លៃចំនួន ៥០ នាក់ ព្រមជាមួយការឧបត្ថម្ភលើការស្នាក់នៅថែមទៀត។

រូបតំណាង

“ខ្ញុំបាទ យឹម តាស្រង់ សូមជម្រាបដំណឹងដល់បងប្អូនសិស្សនិស្សិត« ក្រីក្រ» ទាំងពីរភេទមកពី «ខេត្តក្រចេះ» ដែលជាប់ឬធ្លាក់បាក់ឌុបសម្រាប់ឆ្នាំសិក្សាថ្មីនេះដែលមានបំណងត្រូវបន្តការសិក្សានៅភ្នំពេញ ឬកំពុងសិក្សានៅភ្នំពេញស្រាប់ឱ្យបានជ្រាបថា៖ ឆ្នាំនេះខ្ញុំបាទមានលទ្ធភាពបន្តិចបន្តួចសម្រាប់សិស្សនិស្សិតចំនួន៥០នាក់”។

ការផ្តល់ជូនដូចជា៖ -ផ្តល់កន្លែងឱ្យស្នាក់នៅ -ទទួលបានឱកាសរៀនសូត្រជំនាញពីក្រុមហ៊ុនធំៗដោយផ្ទាល់ និងទទួលបានប្រាក់ខែ -មានឱកាសទទួលបានការសិក្សាបន្ថែមនៅក្រៅប្រទេស & ការងារ។

ជំនួយឧបត្ថម្ភខាងផ្នែកអប់រំលើកដំបូងនេះពីអ្នកនិពន្ធផលិតកម្ម Galaxy Navatra ផ្ដល់ជូនយុវជនទាំងពីរ ប៉ុន្តែសម្រាប់តែអ្នកមកពីខេត្តក្រចេះប៉ុណ្ណោះ។ “សូមអភ័យទោសសម្រាប់បណ្តាខេត្តផ្សេងទៀត ដោយសារឆ្នាំនេះខ្ញុំជ្រើសតែអ្នក«ខេត្តក្រចេះ» ព្រោះខ្ញុំចង់មានអនុស្សាវរីយ៍ជាមួយខេត្តកំណើត"។

អ្នកនិពន្ធរូបនេះ បញ្ជាក់ថា ប្អូនសិស្ស និស្សិតជាអ្នកខេត្តក្រចេះ ដែលកំពុងសិក្សានៅភ្នំពេញស្រាប់ ឬអ្នកដែលបំណងឡើងមកបន្តការសិក្សានៅភ្នំពេញខាងមុខ ទាំងអ្នកជាប់ ឬធ្លាក់បាក់ឌុបក្ដី ក្នុងចំនួនដូចបានកំណត់ គឺអាចស្នើសុំការឧបត្ថម្ភនេះបាន ហើយថា ការផ្ដល់ជូននេះមិនប៉ះពាល់ដល់ការសិក្សាថ្នាក់មហាវិទ្យាប្អូនៗនោះទេ។

រូបតំណាង(រូបភាព៖ក្រសួងអប់រំ)

"និយាយទៅ គឺពួកគាត់អាចសិក្សាលើមុខវិជ្ជារបស់គាត់នៅសាលាធម្មតា តែពេលទំនេរ គាត់អាចមករៀនជំនាញជាមួយខាងយើងបាន ហើយខ្ញុំនឹងរៀបចំផ្ទះសម្រាប់ស្នាក់នៅចំនួន២សម្រាប់ពួកគាត់"។

អាស្រ័យហេតុនេះ សម្រាប់ ប្អូនៗមកពីខេត្តក្រចេះ ដែលមានបំណងទទួលយកការឧបត្ថម្ភនេះ ប្រញាប់ទំនាក់ទំនងមកកាន់ Telegram លេខ016354995ឱ្យបានមុនថ្ងៃទី១២ ខែ០១ ឆ្នាំ ២០២២នេះ៕

អត្ថបទ៖ ទារិកា