- 2022-01-20 03:23:44
- ព័ត៌មាន
ក្រោយមន្ត្រីម្នាក់បោះបង់ការងាររដ្ឋចោល ដោយសារថាប្រកាន់បក្សពួកពេក ឯកឧត្តម ខៀវ កាញារីទ្ធ ពោលពាក្យសោកស្តាយ!
- 2022-01-20 03:23:44
- ចំនួនមតិ 0 | ចំនួនចែករំលែក 0
ក្រោយមន្ត្រីម្នាក់បោះបង់ការងាររដ្ឋចោល ដោយសារថាប្រកាន់បក្សពួកពេក ឯកឧត្តម ខៀវ កាញារីទ្ធ ពោលពាក្យសោកស្តាយ!
ចន្លោះមិនឃើញ
ក្រោយមន្ត្រីរាជការម្នាក់ដែល មានឋានន្តរសក្តិ ថ្នាក់លេខ២នៃក្របខណ្ឌមន្ត្រីរដ្ឋបាលជាន់ខ្ពស់ក្រសួងមហាផ្ទៃ និងមានតួនាទីជាមន្ត្រីសាលាខេត្តបាន បោះបង់ការងាររដ្ឋចោលព្រោះប្រកាន់បក្ខពួកពេក ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន បានលើកឡើងថា **«សោកស្តាយ ។
នៅថ្ងៃនេះ មានផ្ទុះរឿងចេញពីខេត្តបាត់ដំបងក្រោយមន្ត្រីមួយរូបឈ្មោះ លី ឌីនូរី បានប្រកាសលាឈប់ចេញពីក្របខណ្ឌរដ្ឋដែលរូបគេបានប្រកបអស់រយៈពេលជិត ២០ឆ្នាំមក។ ការលាឈប់ដ៏គួរឲ្យភ្ញាក់ផ្អើលនេះ មន្ត្រីរូបនេះ អះអាងថា កន្លែងធ្វើការរបស់លោក កើតមានរឿងប្រកាន់បក្សពួក និងការធ្វើទុក្ខបុកម្នេញលើរូបលោកខ្លាំងពេក។
ក្រោយរឿងនេះ ឯកឧត្តម ខៀវ កាញ៉ារីទ្ធ រដ្ឋមន្ត្រីក្រសួងព័ត៌មាន បានពោលពាក្យសោកស្ដាយ។ "អ្វីដែលខ្ញុំស្តាយគឺប្អូនគិតថាពិភពលោកមានតែពណ៌ ២ គត់ គឺ ខ្មៅ និង ស ។ តាមពិត ពណ៌ដែលមានច្រើនបំផុតក្នុងលោក គឺពណ៌ប្រផេះ ។ សម័យនេះ ព្រំដែនដែលខណ្ឌ Teamwork និង បក្ខពួក គឺស្តើងណាស់ សំខាន់តើយើងមានជំនាញអីដែលគេត្រូវការយើងទេ ?
បើយោងតាមលិខិតផ្លូវការរបស់លោក លី ឌីនូរី ចុះកាលពីថ្ងៃទី១៨ ខែមករាឆ្នាំ២០២២ បានផ្ញើជូនសម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ លោកលី ឌីនូរីបានបញ្ជាក់យ៉ាងច្បាស់ៗ ថា លោកបានបំពេញការងារជាមន្ត្រីរាជការក្របខណ្ឌក្រសួងមហាផ្ទៃ ចាប់តាំងពីឆ្នាំ២០០៧មក រហូតដល់ពេលបច្ចុប្បន្ននេះជាមន្ត្រីសាលាខេត្តបាត់ដំបង។ ចំពោះមូលហេតុនៃការបោះបង់ការងាររដ្ឋនិងតូនាទីនេះចោលគឺ ដោយសារខ្ញុំបាទពុំពេញចិត្តនឹងការបង្កើតបក្សពួកក្នុងសាលាខេត្តបាត់ដំបង ខ្ញុំបាទសូមគោរព ស្នើសុំលាឈប់ពីក្របខណ្ឌមន្ត្រីរាជការស៊ីវិលក្រសួងមហាផ្ទៃចាប់ពីពេលនេះតទៅ។
យ៉ាណាមិញមុននឹងលោក លី ឌីនូរី ស្នើរខ្លួនសុំឈប់ដោយបោះបង់តំណែងក្របខណ្ឌមន្ត្រីរាចការស៊ីវិលក្រសួងមហាផ្ទៃ លោកក៏បានទទូលលិខិតអញ្ជើញលើកទី១របស់រដ្ឋបាលខេត្តបាត់ដំបង ក្រោយពីលោកមិនបានទៅបំពេញការងារអស់រយ: ពេលពីរសប្តាហ៍ដោយគ្មានការអនុញ្ញាតិ្ត លោកក៏បានលើកឡើងទៅវិញថា ខ្ញុំមិនបដិសេដទេ ប៉ុន្តែមានសំណួរខ្លះៗ ៖
១.តើរយ:កាលកន្លងមកក្រុមអស់លោកធ្វើទុក្ខបុកម្នេញខ្ញុំវាមិនទាន់គ្រប់គ្រាន់មែនទេ?
២.នៅពេលដែលខ្ញុំចូលបំពេញការងារ តើធានាទេមានការងារធ្វើសំរាប់ខ្ញុំដូចមន្រ្តីធម្មតា ? រឺត្រឹមតែចង់អោយខ្ញុំមកអង្គុយអានកាសែតដូចរយៈ:កាលមុន? តើខ្ញុំមានកំហុសអ្វី? ប្រសិនបើមកអង្គុយត្រឹមអានកាសែត ខ្ញុំមិនមកល្អជាង សុខចិត្តសុំលាឈប់ទៅធ្វើការងារឯកជនវិញ។
៣. បក្សពួកនិយមខ្លាំងពេកនាំអោយអន្តរាយដល់ស្ថាប័នរដ្ឋ ។ នេះប្រហែលមកពីខ្ញុំមិនមែននៅក្នុងក្រុមគេទេដឹង? កន្លែងដែលមានបក្សពួកពេក ខ្ញុំមិនធ្វើការជាមួយទេ សូមជ្រាប ។
សូមជម្រាបថានេះគ្រាន់តែជាការលើកឡើងរបស់លោកលី ឌីនូរីតែប៉ុណ្ណោះ សម្រាប់ដំណោះស្រាយយើងនឹងរង់ចាំចម្លើយពីខាងក្រសួងតមហាផ្ទៃជាបន្ត៕