ល្បី Ghost of Kyiv ពេលនេះអ៊ុយក្រែន មានកំពូល Sniper ម្នាក់ទៀត ២ថ្ងៃសម្លាប់២០នាក់

2022-03-01 07:21:15
ព័ត៌មាន

2022-03-01 07:21:15
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចេញ Ghost of Kyiv កំពូលអ្នកបើកយន្ដហោះចម្បាំងមក ពេលនេះទ័ពអ៊ុយក្រែន មានចេញ Ukrainian Reaper មកមួយទៀតហើយ ដែលជាកំពូល Sniper សម្លាប់ទាហានរុស្ស៊ីជាច្រើននាក់។

Ukrainian Reaper

អ៊ុយក្រែន ក្រោយពីទទួលបានការគាំទ្រច្រើនពីអឺរ៉ុប និងទូទាំងពិភពលោកមក ប្រទេសនេះបានបង្កើតជារឿងរសើបជាច្រើន ដើម្បីលើកទឹកចិត្តទាហាននិងពលរដ្ឋរបស់ខ្លួន។ ជាក់ស្ដែង នៅថ្ងៃដំបូងនៃសង្គ្រាម មានដំណឹងថា អ៊ុយក្រែន មានអ្នកបើកយន្ដហោះចម្បាំងម្នាក់ពូកែខ្លាំងណាស់ ដោយបានបាញ់ទម្លាក់យន្ដហោះចម្បាំងរុស្ស៊ីបាន៦គ្រឿងម្នាក់ឯង។ រហូតដល់គេដាក់ឈ្មោះក្រៅហៅថា Ghost of Kyiv ដែលជាអ្នកចម្បាំងមិនចេះស្លាប់។

ខណៈដែលប៉ុន្មានថ្ងៃមកនេះ ក៏មានដំណឹងមកមួយទៀតកក្រើកបណ្ដាញសង្គមដែរ គឺទាហានអ៊ុយក្រែនម្នាក់ ដែលត្រូវបានគេលាក់មុខនិងប្រវត្តិ ដែលមានសមត្ថភាពបាញ់ Sniper ច្បាស់ល្អណាស់។ ត្រឹមរយៈពេល២ថ្ងៃ រូបគេបានបាញ់សម្លាប់ទាហានរុស្ស៊ីយ៉ាងតិច២០នាក់ហើយ។ ទាហានម្នាក់នោះ ត្រូវបានគេហៅថា Ukrainian Reaper កំពូលអ្នកបាញ់ Sniper។

Simo Hayha

ទាហានខាងលើនេះ ក៏ត្រូវបានគេយកទៅប្រៀបធៀបជាមួយកំពូលអ្នក Sniper ក្នុងសម័យសង្គ្រាមលោកលើកទី២ឈ្មោះ Simo Hayha របស់ហ្វាំងឡង់ផងដែរ។ កាលគ្រានោះ Hayha បាញ់សម្លាប់ទាហានរុស្ស៊ីបានដល់ទៅ៧០០នាក់ឯណោះ។ ស្របពេលសង្គ្រាមនៅអ៊ុយក្រែនកំពុងបន្ដ គេក៏គិតថា Ukrainian Reaper ក៏អាចនឹងបន្ដធ្វើបានដូចគ្នា ព្រោះកងទ័ពរុស្ស៊ីសម្រុកចូលទីក្រុងគៀវរបស់អ៊ុយក្រែនច្រើនខ្លាំងមែនទែន៕

ប្រភព៖ Marca អត្ថបទ៖ នរវិទូ