- 2022-04-01 01:36:26
- ព័ត៌មាន
នេះជាថ្ងៃទី១ "បុណ្យភូមិ" ក្រោយខកខាន២ឆ្នាំ ទៅលេងមើល៍ តើមានអ្វីប្លែក?
- 2022-04-01 01:36:26
- ចំនួនមតិ 0 | ចំនួនចែករំលែក 0
នេះជាថ្ងៃទី១ "បុណ្យភូមិ" ក្រោយខកខាន២ឆ្នាំ ទៅលេងមើល៍ តើមានអ្វីប្លែក?
ចន្លោះមិនឃើញ
ស្របតាមការបើកចំហរគ្រប់សកម្មភាពនានា ក៏ជាប្រកាសឲ្យប្រារព្ធពិធីបុណ្យចូលឆ្នាំខ្មែររបស់រាជរដ្ឋាភិបាល "បុណ្យភូមិ" កម្មវិធីជួបជុំមានលក្ខណៈជាអត្តសញ្ញាណខ្មែរក៏បានបើកប្រារព្ធនៅទីតាំងផ្ទាល់វិញដែរ ក្រោយប្រារព្ធតាមរយៈអនឡាញ ២ឆ្នាំជាប់គ្នាដោយសារកូវីដ១៩។
ក្រុមការងាររៀបចំ "បុណ្យភូមិ" បានប្រកាសពីផែនការនេះ ក្រោយតែប៉ុន្មានថ្ងៃប៉ុណ្ណោះពីការប្រកាសរបស់រាជរដ្ឋាភិបាល ហើយអ្វីដែលកាន់តែពិសេសព្រឹត្តិការណ៍ឆ្នាំទី៩នេះ នឹងប្រារព្ធនៅ២ទីតាំងផ្សេងគ្នាថែមទៀត និងធ្វើ២សប្ដាហ៍(ប្រារព្ធ២ដង) ដែលនឹងធ្វើឲ្យប្រិយមិត្ត ឬមិត្តយុវវ័យមានលទ្ធភាពកាន់តែច្រើនដើម្បីចូលរួមសកម្មភាពសប្បាយៗ ជារបៀបរបបរបស់ខ្មែរ។
តាមក្រុមការងារ "បុណ្យភូមិ" បានឲ្យដឹងថា កម្មវិធីនឹងបើកទទួលសាធារណជននិងភ្ញៀវកិត្តិយស (ដែលត្រូវបានស្គាល់ថាជា អ្នកស្រុកបុណ្យភូមិ) ទាំងអស់អោយបានចូលរួមកម្សាន្ដនៅទីតាំងផ្ទាល់តែម្តង។ ចំពោះការរៀបចំទី១ ក៏ដូចទីតាំងទី១ គឺចាប់ផ្ដើមនៅថ្ងៃទី ១-២-៣ ខែមេសា ឆ្នាំ២០២២ នៅទីតាំង Factory Phnom Penh។
ដោយឡែកសម្រាប់ការប្រារព្ធលើកទី២ គឺនៅថ្ងៃទីថ្ងៃទី ៨-៩-១០ ខែមេសា ឆ្នាំ២០២២។ ប៉ុន្តែមិនទាន់មានការបើកបង្ហាញពីទីតាំងជាក់លាក់នោះទេ។ ទោះយ៉ាងនេះក្ដីក្រុមការងារ "បុណ្យភូមិ" បង្ហើបថា ពិធីនឹងធ្វើនៅក្នុងវត្តដូចបណ្ដាឆ្នាំមុនដែរ តែទីតាំងជាក់លាក់ថាទីវត្តអារាមណាមួយ នៅតំបន់ខាងណា ក្រុមការងារ "សុំលាក់សិន"។
គ្រាន់តែលឺ រំភើបបាត់ហើយ អីចឹងតោះ...ទៅលេងបុណ្យភូមិទីតាំងទី១មួយសិន!