ដំណឹងល្អ សមាគមន៍ធនាគារ និងសមាគមមីក្រូហិរញ្ញវត្ថុ ប្រកាសអនុគ្រោះចំពោះអតិថិជនដែលជួបវារីភ័យ

2022-10-19 03:01:56
ព័ត៌មាន

2022-10-19 03:01:56
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងសេចក្ដីថ្លែងការរួមមួយរវាង សមាគមធនាគារនៅកម្ពុជាហៅកាត់(ABC) និងសមាគមមីក្រូហិរញ្ញវត្ថុ(CMA) បានព្រមព្រាងផ្ដល់ការយោគយល់ ក៏ដូចជាអនុគ្រោះដល់អតិថិជនដែលរងផលប៉ះពាល់ដោយវារីភ័យ(គ្រោះភ័យដោយទឹកជំនន់)។

សេចក្ដីថ្លែងការណ៍រួមរបស់ សមាគមធនាគារនៅកម្ពុជា និងសមាគមមីក្រូហិរញ្ញវត្ថុនៅពេលនេះ គឺក្រោយតែមួយថ្ងៃ សម្ដេចតេជោ ហ៊ុន សែន បានស្នើកាលពីថ្ងៃទី ១៧ តុលា ឲ្យស្ថាប័នពាក់ព័ន្ធពិនិត្យមើលលទ្ធភាពបន្ធូរបន្ថយចំពោះការបង់ប្រាក់សងត្រឡប់ធនាគាររបស់អតិថិជនដែលរងគ្រោះដោយទឹកជំនន់។

តបនឹងការចង្អុលបង្ហាញនេះ តាមសេចក្ដីថ្លែងការណ៍រួមនេះ គ្រឹះស្ថានធនាគារ និងហិរញ្ញវត្ថុ ដែលជាសមាជិករបស់សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា នឹងផ្ដល់ការយោគយល់ និងអនុគ្រោះចំពោះអតិថិជនដែលរងផលប៉ះពាល់ជាក់ស្ដែងដោយសារទឹកជំនន់ធ្ងន់ធ្ងរ ស្របតាមអនុសាសន៍របស់សម្ដេចប្រមុខរាជរដ្ឋាភិបាល។

សេចក្ដីថ្លែងការណ៍នៅរបស់ស្ថាប័នទាំងពីរ នៅបានបញ្ជាក់ថា គ្រឹះស្ថានធនាគារ និងហិរញ្ញវត្ថុជាសមាជិកសមាគមទាំងពីរ ក៏នឹងពិនិត្យលទ្ធផលផងដែរ ក្នងការបន្ធូរបន្ថយអត្រាការប្រាក់ និងកម្រៃផ្សេងៗពាក់ព័ន្ធនឹងឥណទាន និង/ឬ លើកលែងការផាកពិន័ួ និងចៀសវាងការរឹបអូសទ្រព្យធានារបស់អតិថិជន ក្នុងស្មារតីយោគយល់ និងអធ្យាស្រ័យខ្ពស់ ស្របតាមស្ថានភាពជាក់ស្ដែងរបស់អតិជន៕

អានលម្អិត៖