• 2022-12-15 07:53:12
  • ព័ត៌មាន

តិច​អត់​ដឹង នៅ​លើ​កោះរ៉ុង មាន​ទឹក​ធ្លាក់​មួយ​កន្លែង​លាក់​ខ្លួន​កណ្ដាល​ព្រៃ និង​មាន​ទឹកថ្លាដូច​កញ្ចក់!

  • 2022-12-15 07:53:12
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​​នៅ​សប្ដាហ៍​មុន ក្រុម​ការងារ "ផ្លូវ​ទៅ​ស្រុក" រដូវកាល​ទី​៤ បាន​ធ្វើ​បេសកកម្ម​របស់​ខ្លួន​ចុះ​ទៅ​ដល់​កោះរ៉ុង ជា​កោះដ៏​ល្បី​សម្រាប់​ភ្ញៀវ​ទេសចរ​ទៅ​កម្សាន្ត​នៅ​ខេត្តកោះកុង និង​បាន​នាំ​ប្រិយមិត្ត​ទៅ​កម្សាន្ត​នៅ "Royal Sand Resort” កន្លែង​លំហែ​ដ៏​ប្រណិត​ស្ថិត​នៅ​តាម​បណ្ដោយ​ឆ្នេរ។ ក្រៅ​ពី​កន្លែង​ដ៏​ស្រស់​ស្អាត​នេះ តាម​ពិត​នៅ​លើ​កោះរ៉ុង​នៅ​មាន​កន្លែង​កម្សាន្ត​ធម្មជាតិ​ជា​ច្រើន​ទៀត។

តាម​ការ​រុក​រក​របស់​ក្រុម​ការងារ "ផ្លូវ​ទៅ​ស្រុក" ពួក​គេ​បាន​ទៅ​ដល់​ទី​កន្លែង​ទឹក​ធ្លាក់តូច​មួយ​លាក់​ខ្លួន​កណ្ដាល​ព្រៃ​នៅ​លើ​កោះ។ នៅ​ទី​នោះ មាន​ទឹក​ធ្លាក់​សក្បុស និង​មាន​សភាព​ថ្លា​ដូច​កញ្ចក់។ ដូច្នោះ​ហើយ មិន​ត្រឹម​តែ​អាច​ទៅ​ត្រាំ​ខ្លួន​កម្សាន្ត​ដើម្បី​ទទួល​យក​អារម្មណ៍​ល្អ​ពី​មន្ត​នៃ​ធម្មជាតិ កន្លែង​នោះ ក៏​ជា​ប្រភព​ទឹក​សាប​ដ៏​សំខាន់​សម្រាប់​ឆ្លើយ​តប​តម្រូវ​ការ​ប្រជាពលរដ្ឋ​លើ​កោះ​ផង​ដែរ។

នៅ​ក្នុង​វីដេអូ​វគ្គ២ នៃ​ការ​លុកលុយ​កោះ​រ៉ុង​ដ៏​ល្បី​របស់​កម្ពុជា​នេះ ក្រុម​ការងារ បាន​បង្ហាញ​ជូន​ទី​កន្លែង និង​សកម្មភាព​កម្សាន្ត​នានា ដែល​ប្រិយមិត្ត​អាច​រួម​គ្នា​កសាង​អនុស្សាវរីយ៍​ជាមួយ​គ្នា​បាន ពិសេស​ចុង​ឆ្នាំ​បែប​នេះ រឹត​តែ​មនោរម្យ សម្រាប់​ការ​កម្សាន្ត​លក្ខណៈ​គ្រួសារ មិត្តភ័ក្តិ និង​មនុស្ស​សំខាន់ៗ​ដទៃ​ទៀត។ ទស្សនា​បេសកកម្ម​របស់ ​របស់​ក្រុម​ការងារ "ផ្លូវ​ទៅ​ស្រុក" នៅ​លើ​កោះ​រ៉ុង​សិន មុន​សម្រេច​ចិត្ត​ថា ទី​នោះ​សម​ជា​ការ​សម្រាក​លម្ហែ​ចុង​ឆ្នាំ​នេះ ឬ​ទេ៖

អត្ថបទ៖ ទារិកា

មតិយោបល់