បន្ទាយមានជ័យ បាត់ដំបងនៅតែមានអ្នកដើរកម្សាន្តច្រើន ប៉ុន្តែស្វាយរៀងឯណោះទេ វ៉ាដាច់ខេត្ត២នេះ

2023-04-26 09:59:12
ព័ត៌មាន

2023-04-26 09:59:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ខេត្តជាប់ជាយដែនប្រទេសវៀតណាម គឺស្វាយរៀង បានវ៉ាដាច់ខេត្តទាំង ២៤ ក្នុងនាមជាខេត្តដែលមានអ្នកដើរកម្សាន្តច្រើនជាងគេ ក្រោយពិធីបុណ្យចូលឆ្នាំខ្មែរបានកន្លងផុតទៅហើយក្ដី។

តាមតួលេខពីក្រសួងទេសចរណ៍ ស្វាយរៀង កាន់កាប់តួលេខអ្នកដើរកម្សាន្តក្រោយចូលឆ្នាំចំនួន ៩៣,៥៦០ តាមពីក្រោយដោយខេត្តបន្ទាយមានជ័យ ៨៨,៦៩៩នាក់ និងបាត់ដំបង ៨១,៤៥៣នាក់ ។ ខេត្ត២ផ្សេងទៀត ដែលស្ថិតនៅលំដាប់លេខ ៤ ៥ និង ៦គឺ ខេត្តកំពត ៦៥,៩១៥នាក់ ខេត្តព្រះសីហនុ ៥៨,៨៨៩នាក់ និង ខេត្តសៀមរាប ៥០,៤២៨នាក់ ។

នេះជាករណីកម្រ ដែលខេត្តជាយដែនប៉ែកខាងកើតមួយនេះ ទទួលបានចំនួនអ្នកដើរកម្សាន្តខ្ពស់បែបនេះ។ ចំណុចគួរកត់សម្គាល់ ចំពោះតួលេខរបស់ខេត្តស្វាយរៀងនេះ គឺក្រោយពេលរដ្ឋបាលខេត្ត បានបន្តអនុញ្ញាតិឲ្យមានការលេងបាញ់ទឹកបន្តទៀតរហូតដល់ដំណាច់ខែមេសានេះ។ យុទ្ធសាស្ត្រនេះ ទាក់ទាញយុវវ័យច្រើន។

យ៉ាងណាក៏ដោយ បើគិតសរុបទាំង ២៥ ខេត្ត រាជធានី គឺ រាជធានី ភ្នំពេញឯណោះទេ ដែលកាន់កាប់កំណត់ត្រាដាច់គេ ក្នុងនាមជាគោលដៅដើរកម្សាន្តច្រើនបំផុត បន្ទាប់បញ្ចប់ពិធីបុណ្យចូលឆ្នាំប្រពៃណីឆ្នាំ ២០២៣ ដែលទើបនឹងកន្លងផុតប្រមាណ ២សប្ដាហ៍នេះ៕