ល្អណាស់! ប្រសិនបើទៅក្រាលកន្ទេលលើឆ្នេរ ហើយមានគេទារលុយ ប្រញាប់ទាក់ទងទៅលេខទូរស័ព្ទ២ខ្សែនេះ

2023-05-12 02:48:53
ព័ត៌មាន

2023-05-12 02:48:53
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋបាលក្រុងព្រះសីហនុ ចាប់ផ្ដើមរៀបចំសណ្ដាប់ធ្នាប់ក្រុង ពិសេសបរិវេណឆ្នេរ ដើម្បីភាពពេញចិត្ត និងរក្សាកំណើនភ្ញៀវទេសចរ ចាប់តាំងពីខេត្តនេះទទួលបានវត្តមានភ្ញៀវទេសចរសម្រុកមកលេងវិញ ក្រោយដំណើរការផ្លូវល្បឿនលឿនរួចមក។

ជាផ្នែកមួយនៃកិច្ចការនេះ រដ្ឋបាលក្រុងព្រះសីហនុ បានជូនដំណឹងអំពីកំណត់ការសម្រាកកម្សាន្តលើឆ្នេរខ្សាច់ គឺមិនមានតម្រូវឲ្យបង់ប្រាក់ដូចកាលពីអតីតកាលនោះឡើយ។ "រដ្ឋបាលក្រុងព្រះសីហនុ សូមជម្រាបជូនដំណឹងសារជាថ្មីដល់សាធារណជនជ្រាបថា ការលេងកម្សាន្តនៅលើឆ្នេរខ្សាច់ គឺមិនតម្រូវឱ្យមានការបង់ប្រាក់នោះទេ…!”

នេះជាការជូនដំណឹងជាថ្មីទៀត បន្ទាប់ពីកន្លងមក រដ្ឋបាលក្រុង ធ្លាប់ជូនដំណឹងម្ដងរួចមកហើយ ដើម្បីធានាភាពប្រាកដប្រជានៃការរៀបចំរបស់ក្រុងលើតំបន់ឆ្នេរជាទីពេញនិយមរបស់ភ្ញៀវទេសចរទាំងជាតិ និងអន្តរជាតិ។ ក្នុងន័យ រដ្ឋបាលក្រុងព្រះសីហនុ បញ្ជាក់ទៀតថា "បងប្អូនអាចក្រាលកន្ទេល ឬតង់សម្រាប់អង្គុយលេង ឬពិសារម្ហូបអាហារ ប៉ុន្តែមិនអនុញ្ញាតឱ្យនរណាម្នាក់វាតទីយកឆ្នេរសាធារណៈធ្វើជាទីតាំងផ្ទាល់ខ្លួន ដើម្បីប្រកបអាជីវកម្មជាដាច់ខាត"។

រដ្ឋបាលក្រុង សង្កត់ធ្ងន់ថា ប្រសិនបើករណីមានអ្នកទារលុយពីបងប្អូនដែលមកលេងកម្សាន្តនៅលេីឆ្នេរសាធារណៈ បងប្អូនភ្ញៀវទេសចរ អាចផ្តល់ព័ត៌មានតាមទូរស័ព្ទលេខ៖ 096 723 6600 / 070 633 338។