/65687103df315_1701343440_medium.jpg)
- 2023-11-30 11:26:47
- ព័ត៌មាន
Kissinger ទទួលមរណភាពនៅជន្មាយុ ១០០ឆ្នាំ
- 2023-11-30 11:26:47
- ចំនួនមតិ 0 | ចំនួនចែករំលែក 0
Kissinger ទទួលមរណភាពនៅជន្មាយុ ១០០ឆ្នាំ
ចន្លោះមិនឃើញ
អតីតរដ្ឋមន្ត្រីការបរទេសអាមេរិកលោក Henry Kissinger បានទទួលមរណភាពកាលពីយប់ថ្ងៃពុធ។ នេះបើតាមសេចក្ដីថ្លែងការណ៍របស់ក្រុមហ៊ុនពិគ្រោះយោបល់លើភូមិសាស្ត្រនយោបាយរបស់លោក។
លោកបានទទួលមរណភាពដោយជរាពាធ នៅលំនៅដ្ឋានរបស់លោកនៅឯរដ្ឋ Connecticut។
លោកដំបូងឡើយត្រូវបានអតីតប្រធានាធិបតីអាមេរិក Richard Nixon តែងតាំងធ្វើជាទីប្រឹក្សាសន្តិសុខជាតិ ហើយក្រោយមកត្រូវបានតែងតាំងជារដ្ឋមន្ត្រីការបរទេសចាប់ពីឆ្នាំ១៩៧៣ ដល់ឆ្នាំ១៩៧៧។
លោកជាបុគ្គលដ៏ចម្រូងចម្រាស់មួយនៅក្នុងប្រវត្តិសាស្ត្រអាមេរិក។ លោកបានផ្សារភ្ជាប់ទំនាក់ទំនងរវាងចិនប្រជាមានិត និងសហរដ្ឋអាមេរិក កាលពីទសវត្សទី៧០។
បន្ថែមពីនេះទៀត បុរសរូបនេះបានឈ្នះពានណូបែលសន្តិភាពកាលពីឆ្នាំ១៩៧៣ ជាមួយនឹងឥស្សរជនវៀតណាមខាងជើង ពាក់ព័ន្ធនឹងការសម្រេចបាននូវសន្ធិសញ្ញាសន្តិភាពទីក្រុងប៉ារីស ដែលប្ដេជ្ញាបញ្ចប់ការពាក់ព័ន្ធរបស់អាមេរិក នៅក្នុងជម្លោះរវាងវៀតណាមខាងជើង និងវៀតណាមខាងត្បូង។
យ៉ាងណាមិញ អ្នកប្រវត្តិសាស្ត្រមួយចំនួនបានយល់ឃើញ លោក Kissinger ជាអ្នកទទួលខុសត្រូវនៅក្នុងការជៀតជ្រែករបស់អាមេរិក ទៅក្នុងកិច្ចការផ្ទៃក្នុងរបស់ប្រទេសនានាលើពិភពលោក៕
