ហារីសរកបាន២០០លានដុល្លារ ក្រោយជាប់ជាបេក្ខភាពប្រធានាធិបតីបក្សប្រជាធិបតេយ្យបានមួយអាទិត្យ

2024-07-29 11:38:00
ព័ត៌មាន

2024-07-29 11:38:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យុទ្ធនាការឃោសនាការបោះឆ្នោតប្រធានាធិបតីរបស់អ្នកស្រី កាម៉ាឡា ហារីស រកលុយបាន ២០០លានដុល្លារ បន្ទាប់ពីអ្នកស្រីជាប់ជាបេក្ខភាពប្រធានាធិបតីគណបក្សប្រជាធិបតេយ្យជំនួស លោក ចូ បៃដិន បានមួយសប្ដាហ៍។ នេះបើតាមការអះអាងរបស់ក្រុមការងាររបស់អ្នកស្រី។

លោក ចូ បៃដិន ប្រធានាធិបតីអាមេរិកបានប្រកាសកាលពីថ្ងៃទី២១ ខែកក្កដាកន្លងទៅថា លោកនឹងឈប់ឈរឈ្មោះសម្រាប់ការបោះឆ្នោតប្រធានាធិបតីនៅខែវិច្ឆិកាខាងមុខនេះ ហើយប្រកាសគាំទ្រអ្នកស្រី ហារីស ជាអ្នកឈរឈ្មោះបន្ត។

យុទ្ធនាការឃោសនាការបោះឆ្នោតរបស់អ្នកស្រីហារីស បានចាប់ផ្ដើមនៅថ្ងៃអាទិត្យសប្ដាហ៍មុន ហើយគិតត្រឹមថ្ងៃច័ន្ទសប្ដាហ៍នេះ យុទ្ធនាការរបស់អ្នកស្រីរកលុយបានប្រមាណ ២០០លានដុល្លារអាមេរិក។

ក្រុមការងាររបស់អ្នកស្រីបានបន្ថែមថា ទឹកប្រាក់ទាំងរយលានដុល្លារនេះបានមកពីអ្នកបរិច្ចាគរាប់លាននាក់ ដោយក្នុងនោះ ៦៤% ជាអ្នកបរិច្ចាគថ្មីថ្មោង។

ក្រៅពីរៃអង្កាសប្រាក់បានច្រើនសន្ធឹកសន្ធាប់បែបនេះ យុទ្ធនាការរបស់អ្នកស្រីហារីស បានរើសអ្នកស្ម័គ្រចិត្តមូលដ្ឋានបានរហូតដល់ទៅ ១៧ម៉ឺននាក់ឯណោះ។

សូមជម្រាបផងដែរថា អ្នកស្រីហារីស ជាអនុប្រធានាធិបតីរបស់លោកចូ បៃដិន។ អ្នកស្រីត្រូវបានគណបក្សប្រជាធិបតេយ្យគាំទ្រជាបេក្ខភាពប្រធានាធិបតីរបស់បក្ស ក្រោយពេលដែលលោកបៃដិន ប្រកាសឈប់ឈរឈ្មោះ៕