រដ្ឋាភិបាលជប៉ុនជំរុញប្រជាជនខ្លួនធ្វើការ ៤ថ្ងៃក្នុងមួយសប្ដាហ៍

2024-09-02 11:07:44
ព័ត៌មាន

2024-09-02 11:07:44
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលជប៉ុនជំរុញឲ្យប្រជាជនខ្លួនធ្វើការ ៤ថ្ងៃក្នុងមួយសប្ដាហ៍។ ការជំរុញនេះធ្វើឡើងតាមរយៈយុទ្ធនាការ «កំណែទម្រង់របៀបធ្វើការ» របស់ក្រសួងសុខាភិបាល ការងារ និងសុខមាលភាពសង្គមជប៉ុនកាលពីពេលថ្មីៗនេះ។

តាមពិតទៅ ជប៉ុនបានដាក់ចេញនូវសំណើនេះតាំងពីឆ្នាំ២០២១មកម្ល៉េះ ដោយសម្លឹងឃើញថា ប្រជាជនរបស់ខ្លួនខំប្រឹងធ្វើការពេក តាំងពីសង្គ្រាមលោកលើកទី២ បានបញ្ចប់ទៅ។

ការខិតខំធ្វើការខ្លាំងពេកធ្វើឲ្យប្រជាជនជប៉ុនមួយចំនួនមិនចាប់អារម្មណ៍រឿងផ្ទាល់ខ្លួនផ្សេងៗទៀតដូចជា រឿងគ្រួសារ និងការកម្សាន្តសប្បាយផ្សេងៗ។

បើយោងតាមរបាយការណ៍របស់រដ្ឋាភិបាលជប៉ុន ប្រជាជនជប៉ុនបានទទួលមរណភាពពីការធ្វើការជ្រុលហួសហេតុយ៉ាងតិច ៥៤ករណី ដែលរាប់បញ្ចូលទាំងការគាំងបេះដូងក្នុងពេលធ្វើការងារ។

ទោះបីជាជប៉ុនធ្វើយុទ្ធនាការកាត់បន្ថយម៉ោងការងាររាប់ឆ្នាំក្ដី យុទ្ធនាការនេះនៅមិនទាន់ទទួលបានភាពជោគជ័យប៉ុន្មាននោះទេ ដោយហេតុថា ប្រជាជនជប៉ុននៅតែប្រឹងធ្វើការតទៀត បើទោះជាធ្វើលើសម៉ោង និងមិនទទួលបានប្រាក់កម្រៃក្ដី។ តាំងពីឆ្នាំ២០២១មក មានតែ ក្រុមហ៊ុនចំនួន ៨% ទេ ដែលឱ្យបុគ្គលិកឈប់ ៣ថ្ងៃក្នុងមួយសប្ដាហ៍៕