/66d82b1a3e11f_1725442800_medium.jpg)
- 2024-09-04 11:07:29
- ព័ត៌មាន
រដ្ឋមន្ត្រីការបរទេសអ៊ុយក្រែនលាលែងពីតំណែង
- 2024-09-04 11:07:29
- ចំនួនមតិ 0 | ចំនួនចែករំលែក 0
រដ្ឋមន្ត្រីការបរទេសអ៊ុយក្រែនលាលែងពីតំណែង
ចន្លោះមិនឃើញ
រដ្ឋមន្ត្រីការបរទេសអ៊ុយក្រែនលោក ឌីមីត្រូ គូឡេបា (Dmytro Kuleba) បានលាលែងចេញតំណែងនៅក្នុងថ្ងៃពុធ ស្របពេលដែលលោកប្រធានាធិបតីវ្ល៉ាឌីមៀរ ហ្សេលេនស្គី (Volodymyr Zelenskyy) រុះរើគណរដ្ឋមន្ត្រីរបស់លោក។
លោក ហ្សេលេនស្គី កន្លងមកបាននិយាយថា ការផ្លាស់ប្ដូរសមាសភាពរដ្ឋាភិបាលអ៊ុយក្រែនមានភាពចាំបាច់ណាស់ ក្នុងការសម្រេចឱ្យបាននូវភាពជោគជ័យនៅក្នុងការសង្គ្រាមប្រឆាំងនឹងការឈ្លានពានរបស់រុស្ស៊ី។
លោករដ្ឋមន្ត្រីការបរទេសរូបនេះ ជាសមាជិករដ្ឋាភិបាលមួយរូបក្នុងចំណោមរដ្ឋមន្ត្រីចំនួន ៥រូប ដែលបានលាលែងចេញពីតំណែង។
លោកនៅមិនទាន់ចេញសេចក្ដីថ្លែងការណ៍នយោបាយណាមួយពាក់ព័ន្ធនឹងការលាលែងចេញពីតំណែងរបស់លោកនោះទេ។
រដ្ឋមន្ត្រីវ័យ ៤៣ឆ្នាំរូបនេះជាអ្នកតំណាងដ៏សំខាន់មួយរូបរបស់អ៊ុយក្រែន ដោយលោកចេះនិយាយអង់គ្លេសបានយ៉ាងស្ទាត់ ក្រោយពេលដែលមានសង្គ្រាមរុស្ស៊ី-អ៊ុយក្រែនអស់រយៈពេលប្រមាណ ៣០ខែមកនេះ។
លោក គូឡេបា ធ្លាប់អញ្ជើញមករាជធានីភ្នំពេញបានម្ដងដែរកាលពីឆ្នាំ២០២២ នៅក្នុងពេលដែលកម្ពុជាជាប្រធានអាស៊ានប្ដូរវេន។ នៅពេលមកស្រុកខ្មែរ លោកមកចូលរួមប្រជុំអាស៊ាន និងចុះហត្ថលេខាចូលជាសមាជិកនៃសន្ធិសញ្ញាមិត្តភាព និងកិច្ចសហប្រតិបត្តិការអាស៊ីអាគ្នេយ៍ (TAC)៕
