សួនផ្កាស្បៃរឿង ដែលស្ថិតនៅតាមបណ្តោយមាត់ទន្លេមេគង្គ ក្នុងក្រុងកំពង់ចាម ខេត្តកំពង់ចាម កំពុងក្លាយជាចំណុចទាក់ទាញថ្មីសម្រាប់អ្នកឆ្លងកាត់ និងភ្ញៀវទេសចរ។ សួនផ្កានេះបានរីកស្គុះស្គាយជាមួយពណ៌លឿងដ៏ស្រស់ឆើត បង្កើតជាទេសភាពធម្មជាតិដ៏ប្រណិត ដែលទាក់ភ្នែកអ្នកធ្វើដំណើរតាមផ្លូវជាតិលេខ៧។

សួនផ្កាស្បៃរឿងនេះ បានជួយបង្កើនសោភ័ណភាពទីក្រុងកំពង់ចាម និងជំរុញវិស័យទេសចរណ៍។ ផ្កាស្បៃរឿង ដែលមានឈ្មោះវិទ្យាសាស្ត្រថា Tithonia diversifolia ត្រូវបានជ្រើសរើសដាំដុះដោយសារភាពធន់នឹងអាកាសធាតុ និងសមត្ថភាពរីកលូតលាស់យ៉ាងឆាប់រហ័ស។ សួននេះត្រូវបានថែទាំយ៉ាងល្អ ដើម្បីធានាថាផ្កានៅតែបន្តរីកស្គុះស្គាយពេញមួយឆ្នាំ។

សួនផ្កាស្បៃរឿងនេះមិនត្រឹមតែបន្ថែមភាពស្រស់ស្អាតដល់មាត់ទន្លេប៉ុណ្ណោះទេ ប៉ុន្តែថែមទាំងបានទាក់ទាញភ្ញៀវទេសចរឱ្យឈប់ថតរូប និងរីករាយជាមួយបរិយាកាសធម្មជាតិ។ អ្នកស្រុក និងភ្ញៀវទេសចរបានសម្តែងការសរសើរចំពោះសម្រស់នៃសួនផ្កានេះ។ បន្ថែមលើនេះ សួនផ្កាស្បៃរឿងក៏បានរួមចំណែកដល់បរិស្ថានផងដែរ ដោយផ្កានេះជួយទាក់ទាញសត្វល្អិតដូចជាឃ្មុំ និងមេអំបៅ ដែលជួយលម្អការបន្តពូជរបស់រុក្ខជាតិនៅតំបន់ជុំវិញ។

សួនផ្កាស្បៃរឿងនៅមាត់ទន្លេកំពង់ចាម មិនត្រឹមតែជាកន្លែងសម្រាប់កម្សាន្តប៉ុណ្ណោះទេ ថែមទាំងបានជួួយបន្ថែមសក្តានុពលទេសចរណ៍របស់ខេត្តកំពង់ចាម។ អ្នកដែលធ្វើដំណើរឆ្លងកាត់តំបន់នេះ កុំភ្លេចឈប់ទស្សនា និងថតរូបជាមួយសម្រស់ផ្កាដ៏ទាក់ទាញនេះ៕

រូបភាព ៖ កំពង់ចាម Kompong Cham Review