ជំទាវទី ១ Michelle Obama បានមកដល់ដីកម្ពុជាហើយ

2015-03-21 06:07:22
ព័ត៌មាន

2015-03-21 06:07:22
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅប៉ុន្មានម៉ោងមុននេះ ជំទាវទី ១ Michelle Obama បានមកដល់ប្រទេសកម្ពុជាហើយ នាវេលាម៉ោងប្រមាណជា ៨:៤៥ នាទី យប់ ថ្ងៃទី ២០ ខែមីនា ២០១៥។

ប្រភពព័ត៌មានពីប្រលានយន្ដហោះសៀមរាប បានឲ្យដឹងថា ការមកដល់របស់លោកជំទាវ ទី១ Michelle Obama គេសង្កេតឃើញមានការទទួលស្វាគមន៍ពី ជំទាវ ប៊ុនរ៉ានី ហ៊ុនសែន ឯកឧត្ដម ហង្ស ជួនណារ៉ុង រដ្ឋមន្ត្រីក្រសួងអប់រំយុវជន និង កីឡា និង ឯកឧត្ដម ឃឹម ប៊ុនសុង អភិបាលខេត្តសៀមរាប ព្រមទាំង ឥស្សរជនមួយចំនួនទៀត។

ប្រសិនបើមិនមានការប្រែប្រួល តាមគម្រោងគឺ ជំទាវទី១ Michelle Obama នឹងទៅទស្សនកិច្ចនៅ វិទ្យាល័យ ហ៊ុន សែន បាគង នៅព្រឹកស្អែក។ បន្ទាប់ពីនេះ លោកជំទាវ នឹងទៅទស្សនាប្រាសាទអង្គរវត្ត។

ជំទាវទី១ Michelle Obama នឹងមកបំពេញទស្សនកិច្ចនៅប្រទេសកម្ពុជាមានរយៈពេល ៣ ថ្ងៃ គិតចាប់ពីថ្ងៃទី ២០-២២ ខែមីនា ឆ្នាំ ២០១៥។

យោងតាមការប្រកាស របស់ក្រសួងការបរទេស និង កិច្ចសហប្រតិបត្តិការអន្តរជាតិកម្ពុជា កាលពីថ្ងៃទី ៣ ខែមីនា ឆ្នាំ២០១៥ កន្លងទៅនេះ បានឱ្យដឹងថា នៅមុនមកទស្សនកិច្ចនៅកម្ពុជា លោកជំទាវទី ១ បានធ្វើទស្សនកិច្ច នៅតាមបណ្តាប្រទេស មួយចំនួននៅតំបន់អាស៊ី ។

នៅក្នុងលិខិតដដែល បានឱ្យដឹងទៀតថា រាជរដ្ឋាភិបាលកម្ពុជា បានស្វាគមន៍យ៉ាងកក់ក្តៅ នូវដំណើរទស្សនកិច្ច របស់លោកស្រី Michelle Obama។

លោកស្រី Michelle Obama ភរិយារបស់លោក បារ៉ាក់ អូបាម៉ា បានក្លាយជា ភរិយាប្រធានាធិបតីអាមេរិក ទី២ ដែលបានមកធ្វើទស្សនកិច្ច នៅក្នុង ប្រទេសកម្ពុជា បន្ទាប់ពីលោកស្រី ហ្សាក់ហ្គាលីន ខេននឺឌី ( jacgueline kennedy) ជាភរិយារបស់ លោកខេននឺឌី (John Fitzgerald Kennedy) ប្រធានាធិបតីទី ៣៥ របស់សហរដ្ឋអាមេរិក កាលណោះ បានមកបំពេញ ទស្សនកិច្ច នៅកម្ពុជា លើកដំបូង នៅឆ្នាំ១៩៦៧ នាសម័យសង្គមរាស្ត្រនិយម៕