- 2014-10-10 18:24:43
- ព័ត៌មាន
កាន់តែធ្ងន់កហើយ! បាក់ឌុបលើកទី ២ មាននគរបាលយុត្តិធម៌ចូលរួមសង្កេតការណ៍ដែរ!
- 2014-10-10 18:24:43
- ចំនួនមតិ 0 | ចំនួនចែករំលែក 0
កាន់តែធ្ងន់កហើយ! បាក់ឌុបលើកទី ២ មាននគរបាលយុត្តិធម៌ចូលរួមសង្កេតការណ៍ដែរ!
ចន្លោះមិនឃើញ
នគរបាលយុត្តិធម៌ជាង ១០០ នាក់ រួមនឹងអ្នកសង្កេតការណ៍ជាង ៣០០០ នាក់ នឹងចុះសង្កេតការណ៍ដំណើរការប្រលងបាក់ឌុបលើកទី២ នៅតាមមណ្ឌលប្រលងនានាទូទាំងប្រទេស។
លោក រស់ សាលីន មន្ត្រីនាំពាក្យក្រសួងអប់រំ យុវជន និងកីឡា និយាយថា៖ "មន្ត្រីនគរបាលយុត្តិធម៌ និងធ្វើការស្និតជាមួយមន្ត្រីអង្គភាពប្រឆាំងអំពើពុករលួយ ពេលឃើញបទល្មើស និងចាត់ការភ្លាមតែម្ដង"។ ចំណែកមន្ត្រីនគរបាលសន្តិសុខជាការចាត់ចែងរបស់អាជ្ញាធរខេត្តនីមួយៗ។ កន្លងមកយើងមាន អ្នកសង្កេតការណ៍អង្គភាពប្រឆាំងអំពើពុករលួយ និងសង្គមស៊ីវិល ចំណែកមន្ត្រីនគរបាលយុត្តិធម៌ធ្វើការស្និតជាមួយមន្ត្រីអង្គភាពប្រឆាំងអំពើពុករលួយតែម្ដង។
ការប្រលងបាក់ឌុបលើកទី ២ នេះ នឹងមាន មន្ត្រីអង្គភាពប្រឆាំងអំពើពុករលួយ (មន្ត្រីនគរបាលយុត្តិធម៌) ១៣៤ នាក់ និង អ្នកសង្កេតការណ៍សរុប ៣.១៨០រូបចុះតាមមណ្ឌលប្រលងទូទាំងប្រទេស ក្នុងនោះមានព្រះសង្ឃ ៣០អង្គ ជនជាតិអាមេរិក ២ រូប និងសហគមន៍អឺរ៉ុប ៣នាក់។ នេះបើតាមប្រសាសន៍ឯកឧត្ដម ឱម យិនទៀង ប្រធានអង្គភាពប្រឆាំងអំពើពុករលួយ ថ្លែងក្នុងអង្គប្រជុំគណៈមេប្រយោគទូទាំងប្រទេស ប្រធានមណ្ឌលសំណេរក្រសួង និងអប្បមាទទូទាំងប្រទេសក្រសួង នាថ្ងៃទី០៩ ខែតុលា ឆ្នាំ២០១៤ នៅវិទ្យាស្ថានជាតិអប់រំ។
ឯកឧត្ដមបានសង្កត់ធ្ងន់ពីការអនុវត្តច្បាប់ និងដាក់ទោសទណ្ឌសម្រាប់ការប្រលងលើកទី២ ទៀតថា "ប្រលងលើកទី២នេះនឹងធ្ងន់ធ្ងរ ហើយតឹងតែងជាងការប្រលងលើកទី១"។
កាលពីសម័យប្រលងបាក់ឌុបលើកទី១ ក្រសួងអប់រំ យុវជន និងកីឡា បានសម្រេចឲ្យបេក្ខជនចំនួន២១នាក់ ធ្លាក់ដោយស្វ័យប្រវត្តិ ដែលប្រព្រឹត្តិផ្ទុយទៅនឹងបទប្បញ្ញត្តិក្រសួងណែនាំ ក្នុងនោះរួមមានករណីបន្លំបេក្ខភាព ប្រឡងជំនួស ប្ដូរលេខតុគ្នា និងប្រើប្រាស់ទូរស័ព្ទដៃក្នុងបន្ទប់ប្រឡង៕
អត្ថបទ៖ មៃ សុខលីម ប្រភព៖ ក្រសួងអប់រំ