- 2016-02-14 19:31:04
- ព័ត៌មាន
តា ហ៊្វុយសូ៖ អង្គការខ្ញុំមានស្ថានភាពស្រួលជាងមុន
- 2016-02-14 19:31:04
- ចំនួនមតិ 0 | ចំនួនចែករំលែក 0
តា ហ៊្វុយសូ៖ អង្គការខ្ញុំមានស្ថានភាពស្រួលជាងមុន
ចន្លោះមិនឃើញ
ស្ថានភាពអង្គការរបស់អតីតតារាកំប្លែង ស៊ូ សាវ៉ាង ហៅ ហ៊្វុយសូ មានស្ថានភាពលំបាកកាលពីប៉ុន្មានឆ្នាំមុន ប៉ុន្តែពេលនេះមានភាពល្អជាងមុនច្រើន ក្រោយមានការជួយពីប្រព័ន្ធផ្សព្វផ្សាយ និងជំនួយរបស់សប្បុរសជនជាហូរហែមក។ នេះបើតាមសម្ដីរបស់លោក ហ៊្វុយសូ។
កញ្ញា នុត រត្ថា
លោកតា ថ្លែងថា៖ “តាំងពីផ្សព្វផ្សាយមក មានគេជួយជាសម្ភារៈសិក្សា ជួសជុលកន្លែងស្នាក់នៅ អាហារហូបចុក និងអំណោយផ្សេង សមាគមខ្ញុំស្រួលជាងមុន"។
ក្នុងនាមជាប្រធានអង្គការ លោកបានសម្ដែងក្ដីរីករាយ និងអរគុណដល់សប្បុរសជនក្នុងស្រុក និងក្រៅស្រុកទាំងអស់ ដែលតែងតែជួយជ្រោមជ្រែង ស្រលាញ់ និងអាណិតដល់ក្មេងក្នុងអង្គការរបស់លោក។
ដោយឡែក ព្រឹកនេះ នៅទីតាំងអង្គការរបស់លោក មានកម្មវិធីមួយឈ្មោះថា «តោះញ៉ាំជាមួយគ្នា!!!» រៀបចំដោយក្រុមហ៊ុន ROMDOUL និងមានការចូលរួមយ៉ាងច្រើនកុះករពីសប្បុរសជន។
លោកតា ហ្វុយសូ
នាយកប្រតិបត្តិនៃក្រុមហ៊ុន ROMDOUL កញ្ញា នុត រត្ថា បានឱ្យដឹងថា កញ្ញាធ្វើកម្មវិធីនេះនៅថ្ងៃ ១៤ កុម្ភៈឡើងក្នុងដើម្បីបណ្ដុះគំនិតយុវវ័យឱ្យចេះជួយការងារសង្គម និងផ្ដល់ក្ដីស្រលាញ់ដល់ក្មេងៗជាកុមារកំព្រា។
កញ្ញាបន្តថា “យើងចង់ឱ្យប្រជាជនខ្មែរជាពិសេសយុវវ័យ ឱ្យយល់ថា ទិវានៃក្ដីស្រលាញ់មិនមែនជាថ្ងៃបុណ្យសង្សារ បុណ្យតែគូស្នេហ៍របស់គាត់ គឺទិវានេះគាត់អាចចែករំលែកក្ដីស្រលាញ់ ដល់ឪពុកម្ដាយ គ្រួសារ បងប្អូនគាត់ ជាពិសេសអ្នកដែលខ្វះក្ដីស្រលាញ់ពិតប្រាកដដូចជាក្មេងៗថ្ងៃនេះអ៊ីចឹង។ អ្នកខ្លះគាត់ត្រូវឪពុកម្ដាយបោះបង់ចោល ឪពុកម្ដាយស្លាប់ចោលជាដើម។ នេះជាអ្វីដែលយើងចង់បាន!”។
ក្រៅពីកម្មវិធីញ៉ាំជាមួយគ្នា អង្គការ N.A.C.A ក៏ទទួលបានអំណោយជាច្រើនទៀតដូចជា អង្ករ មី ភេសជ្ជៈ សម្ភារៈសិក្សា អាហារ និងថវិកាមួយចំនួន។ លោកតា ហ្វុយសូ ថ្លែងថា អំណោយទាំងអស់នេះ លោកនឹងយកទៅផ្គត់ផ្គង់លើអាហារហូបចុក ការសិក្សារបស់ក្មេងក្នុងអង្គការ និងសហគមរបស់លោក ហើយសូមអំពាវនាវឱ្យសប្បុរសជន នៅតែបន្តជួយ និងអង្គការកុមារកំព្រាផ្សេងទៀតផងដែរ៕
អត្ថបទ៖ អ៊ុំ សុភក្តិ
