ស្រូវធ្លាក់ថ្លៃ អ្នកភូមិរកា២ បានប្ដូរមកដាំឈូកវិញ

2016-05-17 16:03:09
ព័ត៌មាន

2016-05-17 16:03:09
ចំនួនមតិ 0 | ចំនួនចែករំលែក 0

ចន្លោះមិនឃើញ

តម្លៃស្រូវនៅមានកម្រិតទាប និង កង្វះទឹកធ្វើស្រែ បានធ្វើឲ្យប្រជាកសិករមួយចំនួននៅភូមិរការពីរ ឃុំរការជីលឹង ស្រុកខ្សាច់កណ្ដាល ខេត្តកណ្ដាល បានផ្លាស់ប្ដូរទម្លាប់ពីធ្វើដំណាំស្រូវ មកដាំឈូកវិញ។

លោក ញៀន ពន្លក អាយុ ៤៥ឆ្នាំ រស់នៅភូមិរការ២ ឃុំរកាជន្លឹង ស្រុកខ្សាច់កណ្ដាល ខេត្តកណ្ដាល លោកបានប្រកបរបធ្វើស្រែស្រូវ និងដាំឈូកនេះប្រមាណ ១៥ ឆ្នាំ មកហើយ ប៉ុន្ដែ ២ឆ្នាំចុងក្រោយនេះលោកមិនបានធ្វើដំណាំស្រូវទេ ព្រោះកង្វះទឹក និងតម្លៃស្រូវនៅលើទីផ្សារមានតម្លៃទាប។

លោក ញៀន ពន្លក បានរៀបរាប់ថា ដំណាំឈូកដែលអាចលក់បានមានដូចជា ក្រអៅ ស្លឹក ផ្លា ផ្លែស្រស់ និងផ្លែស្ងួត ប៉ុន្តែ លោកលក់តែផ្លែឈូកស្ងួតប៉ុណ្ណោះ ព្រោះផ្លែឈូកស្ងួតមានតម្លៃខ្ពស់។

លោកញៀន ពន្លកបានអោយដឹងទៀតថា ក្នុងឆ្នាំនេះឈូកមានហាងឆេងខ្ពស់ ពោលគឺផ្លែឈូកស្ងួតក្នុង១គីឡូតម្លៃចាប់ពី ៨ ០០០៛ ទៅ ៩ ០០០៛ ដែលតម្លៃនេះ គឺខ្ពស់ជាងឆ្នាំមុនដែលមានតម្លៃត្រឹមតែ៣ ៥០០៛ប៉ុណ្ណោះ។

លោកញៀន ពន្លកបានបន្ដទៀតថា កត្តាខាងលើនេះហើយ ដែលបណ្ដាលអោយប្រជាកសិករនៅក្នុងតំបន់នេះបានផ្លាស់ប្ដូរដោយយកដីស្រែរបស់គាត់មកដាំឈូកវិញ ដែលផ្ទៃដីសរុបមានទំហំប្រហែល ៣០ ហិកតារ៕