សិស្សពូកែ គណិតវិទ្យាលេខមួយប្រចាំខេត្តកំពង់ស្ពឺ បង្ហាញឆន្ទៈ ត្រៀមប្រលងបាក់ឌុប

2016-08-09 17:34:46
ព័ត៌មាន

2016-08-09 17:34:46
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសល់ប្រមាណជាង ១០ថ្ងៃទៀតប៉ុណ្ណោះ ការប្រលងបាក់ឌុបនឹងឈានចូលមកដល់ ថ្ងៃនេះយើងនឹងនាំប្រិយមិត្តទៅស្ដាប់សិស្សពូកែមុខវិជ្ជាគណិតវិទ្យាចំណាត់ថ្នាក់លេខមួយប្រចាំខេត្តកំពង់ស្ពឺ ហើយក៏ជាបេក្ខជនដែលត្រូវប្រលងបាក់ឌុប នាថ្ងៃខាងមុខនេះដែរ។

យុវសិស្ស ស៊ុក សៀវឡុង អាយុ ១៨ឆ្នាំ ជាសិស្សថ្នាក់ទី ១២ នៃវិទ្យាល័យកំពង់ស្ពឺ ហើយក៏បេក្ខជនចំណាត់ថ្នាក់លេខមួយ មុខវិជ្ជាគណិតវិទ្យា ប្រចាំខេត្តកំពង់ស្ពឺផង បានឲ្យដឹងថា ទោះជាពេលកន្លងមកការសិក្សារបស់ប្អូនទទួលបានលទ្ធមួយ ដែលល្អប្រសើរក៏ដោយ ក៏ប្អូននៅតែមានអារម្មណ៍ភ័យខ្លាចចំពោះការប្រលងបាក់ឌុបនាពេលខាងមុខនេះ។

សៀវឡុង បានបន្ដទៀតថា អំឡុងពេលនេះប្អូនមិនដែលធ្វេសប្រហែសក្នុងការអានសៀវភៅ ជាពិសេសគឺការអនុវត្តលំហាត់ ហើយប្អូនក៏ការបានបែងចែកពេលវេលាសម្រាប់សម្រាកយ៉ាងច្បាស់លាស់ផងដែរ។

យុវសិស្ស ស៊ុក សៀវឡុង បានបន្ថែមទៀតថា អ្វីដែលសំខាន់បំផុត គឺការលើកទឹកចិត្តពីសំណាក់ក្រុមគ្រួសារលោកគ្រូអ្នកគ្រូ និងមិត្តភ័ក្ដិដែលតែងតែគាំទ្រប្អូនតាំងពីដើមរហូតមកដល់ពេលនេះ ប្អូនបានសន្យាថានឹងព្យាយាមអោយអស់ពីលទ្ធភាពមិនឲ្យពួកគាត់អស់សង្ឃឹមឡើយ សម្រាប់ការប្រលងបាក់ឌុបនាថ្ងៃខាងមុខនេះ។

ជាចុងក្រោយយុវសិស្ស ស៊ុក សៀវឡុង និយាយថា សូមជូនពរដល់មិត្តភ័ក្ដិ និងបេក្ខជនដែលត្រូវប្រលងបាក់ឌុបនៅក្នុងខេត្តកំពង់ស្ពឺទាំងអស់អោយជួបតែសំណាងល្អ និងបានសម្រេចបំណងរបស់ពួកគាត់ក្នុងថ្ងៃប្រលងបាក់ឌុប នាពេលខាងមុខនេះ៕