ជុំវិញការត្រៀមប្រលងបាក់ឌុប ក្នុងសប្ដាហ៍នេះ

2016-08-13 19:09:23
ព័ត៌មាន

2016-08-13 19:09:23
ចំនួនមតិ 0 | ចំនួនចែករំលែក 0

ចន្លោះមិនឃើញ

@ ក្រសួងអប់រំ៖ ពិន្ទុប្រលងបាក់ឌុបឆ្នាំនេះ កំណត់យក២៣៧ជាប់ដូចឆ្នាំមុន @ ព្រះសង្ឃមួយអង្គសន្យាផ្ដល់ Laptop ១០គ្រឿង ដល់សិស្សបាក់ឌុបពិន្ទុខ្ពស់ជាងគេនៅស្វាយរៀង @ សិស្សពូកែ គណិតវិទ្យាលេខមួយប្រចាំខេត្តកំពង់ស្ពឺ បង្ហាញឆន្ទៈ ត្រៀមប្រលងបាក់ឌុប @ ខេត្តកំពត៖ សិស្សត្រៀមប្រលងបាក់ឌុប សម្រុកកក់ផ្ទះសំណាក់ @ ក្រសួងទេសចរណ៍ស្នើកុំឲ្យដំឡើងថ្លៃសេវាកម្មនានា នៅថ្ងៃប្រលងបាក់ឌុប @ ហេតុផលដែលសិស្សតាមខេត្តមករៀនគួរត្រៀមប្រលងបាក់ឌុបនៅភ្នំពេញ @ អ្នកប្រលងបាក់ឌុប អាចរកវិញ្ញាសាត្រៀមងាយៗ តាមអនឡាញ

នៅសល់ពេលតែជាង ១ សប្ដាហ៍ប៉ុណ្ណោះ ការប្រលងបាក់ឌុបនឹងមកដល់ហើយ ប៉ុន្ដែ នៅមុនការប្រលងមកដល់សិស្សានុស្សិមួយចំនួនបាននឹងកំពុងសម្រុកមករៀនគួរ ហើយខ្លះបានចាកចេញពីខេត្តមករៀននៅភ្នំពេញ និង ព្យាយាមរៀនសូត្រ ទាំងយប់ ទាំងថ្ងៃ ដើម្បីធ្វើឲ្យការប្រលងបាក់ឌុបទទួលបានជោគជ័យ។ ទន្ទឹមនឹងនេះ គេហទំព័រ ក៏ដូចជា ផេក របស់ក្រសួងអប់រំ ក៏បានដើរតួនាទីសំខាន់ នៅក្នុងការផ្សព្វផ្សាយព័ត៌មានជូនសាធារណៈជន ជាពិសេសបេក្ខជន-បេក្ខនារី ត្រៀមប្រលងបាក់ឌុប ដើម្បីឲ្យបានទទួលនូវព័ត៌មានគ្រប់ជ្រុងជ្រោយ។

កាលពីដើមសប្ដាហ៍នេះ ក្រសួងអប់រំបានប្រកាសជាផ្លូវការអំពីការ និង បានកំណត់យកពិន្ទុជាប់ ការប្រលងបាក់ឌុប គឺ ៣២៧ ពិន្ទុ។ កាលពីថ្ងៃច័ន្ទ ក្រសួងបានបង្ហោះសារនៃការកំណត់ពិន្ទុខាងលើនេះ ដើម្បីជម្រះមន្ទិលសង្ស័យចំពោះចម្ងល់របស់មហាជនមួយចំនួនអំពីការកំណត់ពិន្ទុប្រលងជាប់បាក់ឌុប។

សូមចុចអាន៖ ក្រសួងអប់រំ៖ ពិន្ទុប្រលងបាក់ឌុបឆ្នាំនេះ កំណត់យក២៣៧ជាប់ដូចឆ្នាំមុន

ទាក់ទងទៅនឹងការប្រលងបាក់ឌុបនេះដែរ ព្រះសង្ឃមួយអង្គ ព្រះនាម នី សុវណ្ណមុនីរ៉េត ដែលកំពុងគង់នៅវត្តនាគវ័ន បានសន្យាថានឹងផ្ដល់ Laptop ម្នាក់មួយគ្រឿងដល់សិស្សបាក់ឌុបទទួលបានលំដាប់ពិន្ទុខ្ពស់ជាងគេ ១០នាក់ក្នុងការប្រលងសញ្ញាប័ត្រមធ្យមសិក្សាទុតិយភូមិឆ្នាំ២០១៦ នៅខេត្តស្វាយរៀង។ ការសន្យាផ្ដល់រង្វាន់នេះ ដោយសារព្រះអង្គមានមានដើមកំណើតមកពីខេត្តស្វាយរៀង ទើបចង់ផ្ដល់រង្វាន់ឲ្យសិស្សប្រលងថ្នាក់ទី១២ នៅក្នុងខេត្តនេះ ដើម្បីលើកទឹកចិត្តឲ្យពួកគេខិតខំរៀនសូត្របន្ត។ លើសពីនេះ ព្រះអង្គបានបន្តទៀតថា ប្រសិនបើពួកគេគ្មានកន្លែងស្នាក់នៅពេលមករៀននៅភ្នំពេញ ព្រះអង្គនឹងស្វះស្វែងរកកន្លែងស្នាក់នៅជូនពួកគេ។

សូមចុចអាន៖ ព្រះសង្ឃមួយអង្គសន្យាផ្ដល់ Laptop ១០គ្រឿង ដល់សិស្សបាក់ឌុបពិន្ទុខ្ពស់ជាងគេនៅស្វាយរៀង

នៅឯខេត្តកំពង់ស្ពឺឯណោះវិញ យុវសិស្ស ស៊ុក សៀវឡុង អាយុ ១៨ឆ្នាំ ជាសិស្សថ្នាក់ទី ១២ នៃវិទ្យាល័យកំពង់ស្ពឺ ហើយក៏បេក្ខជនចំណាត់ថ្នាក់លេខមួយ មុខវិជ្ជាគណិតវិទ្យា ប្រចាំខេត្តកំពង់ស្ពឺផង បានឲ្យដឹងថា ទោះជាពេលកន្លងមកការសិក្សារបស់ប្អូនទទួលបានលទ្ធមួយ ដែលល្អប្រសើរក៏ដោយ ក៏ប្អូននៅតែមានអារម្មណ៍ភ័យខ្លាចចំពោះការប្រលងបាក់ឌុបនាពេលខាងមុខនេះ។ ដូច្នេះ ដើម្បីឲ្យការប្រលងទទួលបានជោគជ័យ សៀវឡុង លើកឡើងថា អំឡុងពេលនេះប្អូនមិនដែលធ្វេសប្រហែសក្នុងការអានសៀវភៅ ជាពិសេសគឺការអនុវត្តលំហាត់ ហើយប្អូនក៏ការបានបែងចែកពេលវេលាសម្រាប់សម្រាកយ៉ាងច្បាស់លាស់ផងដែរ។

សូមចុចអាន៖ សិស្សពូកែ គណិតវិទ្យាលេខមួយប្រចាំខេត្តកំពង់ស្ពឺ បង្ហាញឆន្ទៈ ត្រៀមប្រលងបាក់ឌុប

ចេញពីខេត្តកំពង់ស្ពឺ មានសេចក្ដីរាយការណ៍ពីខេត្តកំពត កាលពីថ្ងៃព្រហស្បតិ៍ ក្នុងសប្ដាហ៍នេះ បានឲ្យដឹងថា សិស្សត្រៀមប្រលងបាក់ឌុប សម្រុកកក់ផ្ទះសំណាក់។ អ្នកនាង លីណា ជាអ្នកទទួលភ្ញៀវប្រចាំផ្ទះសំណាក់ អារុណ រស្មី ដែលមានអាសយដ្ឋាននៅភូមិសុវណ្ណសាគរ សង្កាត់កំពង់កណ្ដាល ក្នុងក្រុងកំពត ជាប់ខាងលិចអនុវិទ្យាល័យកំពតក្រុង បានប្រាប់ Sabayថា ផ្ទះសំណាក់អារុណរស្មី ត្រូវបានសិស្សានុសិស្សកក់ពេញ ១០០% អស់ហើយ។

សូមចុចអាន៖ ខេត្តកំពត៖ សិស្សត្រៀមប្រលងបាក់ឌុប សម្រុកកក់ផ្ទះសំណាក់

ទាក់ទងទៅនឹងការប្រលងបាក់ឌុបនេះដែរ ក្រសួងទេសចរណ៍ស្នើកុំឲ្យដំឡើងថ្លៃសេវាកម្មនានា នៅថ្ងៃប្រលងបាក់ឌុប។ ក្នុងខ្លឹមសារនៃសេចក្ដីជូនដំណឹងលេខ ២៩៦ បានរៀបរាប់ថា នាថ្ងៃ ២២ និង ២៣ សីហាខាងមុខនេះ សិស្សានុសិស្សត្រូវប្ដូរទីតាំងទៅស្នាក់នៅតាមទីរួមខេត្ត ដើម្បីចូលរួមប្រលងបាក់ឌុប។ ដូចនេះ ក្រសួង បានអំពាវនាវ ដល់ម្ចាស់ ឬអ្នកគ្រប់គ្រងអាជីវកម្មសេវាកម្មទេសចរណ៍នៅរាជធានី ខេត្ត ទាំងអស់កុំឡើងថ្លៃ និងចូលរួមសហការអនុវត្តតាមសេចក្ដីជូនដំណឹងនោះ។

សូមចុចអាន៖ ក្រសួងទេសចរណ៍ស្នើកុំឲ្យដំឡើងថ្លៃសេវាកម្មនានា នៅថ្ងៃប្រលងបាក់ឌុប

នៅមុនការប្រលងបាក់ឌុបមកដល់នេះ គេសង្កេតឃើញថា សិស្សានុសិស្សកំពុងសម្រុកទៅរៀនគួរ ដើម្បីបំប៉នចំណេះដឹងនៅតាមបណ្ដាសាលារៀងៗខ្លួន តែក៏មានសិស្សានុសិស្សមួយចំនួនបានចេញមកពីខេត្តសម្រុកមករៀននៅភ្នំពេញ ត្រៀមប្រលងបាក់ឌុបផងដែរ។

កាលពីថ្ងៃសុក្រ ក្នុងសប្ដាហ៍នេះ សិស្សានុសិស្សមកពីបណ្ដាខេត្តនានា មករៀននៅភ្នំពេញបានប្រាប់មូលហេតុឲ្យដឹងថា ការណ៍ដែលពួកគេមករៀនបំប៉ននៅភ្នំពេញ គឺទី ១ ចង់ផ្លាស់ប្ដូរបទពិសោធន៍រវាងគ្រូនៅភ្នំពេញ និង ខេត្ត និង ទី២ គឺវិញ្ញាសានៅភ្នំពេញស្រដៀងច្រើនទៅនឹងពេលប្រលងបាក់ឌុប។

សូមចុចអាន៖ ហេតុផលដែលសិស្សតាមខេត្តមករៀនគួរត្រៀមប្រលងបាក់ឌុបនៅភ្នំពេញ

និយាយអំពីវិញ្ញាសានេះដែរ អ្នកប្រលងបាក់ឌុប អាចរកវិញ្ញាសាត្រៀមងាយៗ តាមអនឡាញ។ កាលពីថ្ងៃព្រហស្បតិ៍ ក្នងុសប្ដាហ៍នេះ គេហទំព័រ Sabay បានស្វែងរកប្រភពសំខាន់ៗ ទាក់ទងនឹងវិញ្ញាសារប្រលងបាក់ឌុប ដើម្បីចែករំលែកទៅកាន់បេក្ខជន បេក្ខនារី ត្រៀមប្រលងបាក់ឌុប ងាយរក។ ដូច្នេះ កុំខាតពេលយូរ ខាងក្រោមនេះគឺជា ទំព័រហ្វេសប៊ុកមួយចំនួនដែលប្រមូលផ្ដុំនូវវិញ្ញាសា ឆមាស បាក់ឌុបចាស់ៗ៖

សូមចុចអាន៖ អ្នកប្រលងបាក់ឌុប អាចរកវិញ្ញាសាត្រៀមងាយៗ តាមអនឡាញ