ក្ដៅ! ឈ្មោះអ្នកជាប់បាក់ឌុបសម្រាប់រាជធានីភ្នំពេញ និង កណ្ដាលចេញហើយ

2016-09-10 21:02:40
ព័ត៌មាន

2016-09-10 21:02:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ឈ្មោះអ្នកប្រឡងជាប់សម្រាប់មណ្ឌលរាជធានីភ្នំពេញ និងខេត្តកណ្ដាលបានចេញហើយនៅមុននេះបន្តិចតាមរយៈបណ្ដាញសង្គមរបស់ក្រសួងអប់រំ យុវជននិងកីឡា។ ក្រៅពីទំព័រ Facebook ក្រសួង បេក្ខជនក៏អាចទៅមើលឈ្មោះតាមមណ្ឌលប្រឡងរបស់ខ្លួនបានដូចគ្នា។

សម្រាប់លទ្ធផលមណ្ឌលភ្នំពេញ៖ ចុចទីនេះ សម្រាប់លទ្ធផលមណ្ឌលខេត្តកណ្ដាល៖ ចុចទីនេះ

បេក្ខជនប្រឡងជាប់ក្នុងសម័យប្រឡងឆ្នាំ២០១៦នេះ មានចំនួន ៥៥ ៧៥៣នាក់ ត្រូវជា ៦២,១៨% នៃបេក្ខជនវត្តមានចំនួន ៨៩ ៦៦១នាក់។ ក្នុងនោះ បេក្ខជនប្រឡងជាប់ថ្នាក់វិទ្យាសាស្ត្រ មានចំនួន ៣៨ ៤១៥នាក់ ត្រូវជា ៥៧,២៨% នៃបេក្ខជនចំនួន ៦៧ ០៧១នាក់។ បេក្ខជនប្រឡងជាប់ថ្នាក់វិទ្យាសាស្ត្រសង្គម មានចំនួន ១៧ ៣៣៨នាក់ ត្រូវជា ៧៦,៧៥% នៃបេក្ខជនចំនួន ២២ ៥៩០នាក់។

សិស្សបាក់ឌុបប្រឡងជាប់និទ្ទេស A សម្រាប់បាក់ឌុបឆ្នាំ២០១៦ នេះ មានចំនួន ៤០៥នាក់ ក្នុងចំណោមបេក្ខជនប្រលងសរុប ៨៩ ៦៦១នាក់នៅទូទាំងប្រទេស។ សម្រាប់បេក្ខជនដែលទទួលបាននិទ្ទេស B មានចំនួន ២ ៨០១ និទ្ទេស C មានចំនួន ៥ ៥៩៥ នាក់ និទ្ទេស D មានចំនួន ៨ ៨៣៥ នាក់ និងនិទ្ទេស E មានចំនួន ៣៨ ១១៧ នាក់៕