បង្គន់អនាម័យ ៤២២បង្គន់ ត្រៀមសម្រាប់សាធារណជនមកលេងអុំទូក

2016-11-12 04:00:06
ព័ត៌មាន

2016-11-12 04:00:06
ចំនួនមតិ 0 | ចំនួនចែករំលែក 0

ចន្លោះមិនឃើញ

បង្គន់សាធារណៈចល័ត ៤២២ បង្គន់ លើ២៥ទីតាំង ត្រូវបានដំឡើងសម្រាប់ត្រៀម ជួយសម្រួលដល់សាធារណជនដែលនឹងមកកម្សាន្តនាក្នុងឱកាសពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ដែលកាន់តែខិតជិតមកដល់នាពេលខាងមុខនេះ។ នេះបើតាមទំព័រហ្វេសប៊ុកផ្លូវការរបស់ក្រសួងសាធារណការ និងដឹកជញ្ជូន។

យ៉ាងណា មិនទាន់មានព័ត៌មានពីទីតាំងផ្លូវការនៃបង្គន់សាធារណៈចល័តទាំងនោះនៅឡើយ ដោយ Sabay មិនទាន់អាចសុំការអធិប្បាយលម្អិតលើករណីនេះពីមន្ត្រីរបស់សាមីស្ថាប័ននៅឡើយ ដោយទូរសព្ទចូលតែ មិនមានអ្នកលើក។

បើយោងតាមទំព័រហ្វេសប៊ុករបស់ក្រសួងសាធារណការ ក្រៅតែពីការដំឡើងបង្គន់អនាម័យទាំង៤២២បង្គន់ ក្រុមការងារនៃមន្ទីរសាធារណការ និងដឹកជញ្ជូន រាជធានីភ្នំពេញ បានអនុវត្តន៍ការងារជាច្រើនទៀត៖

តុបតែងលំអភ្លើងតាមដើមឈើនៅសួនវិមានឯករាជ្យ សួនមាត់ទន្លេជ្រោយចង្វារ
តុបតែងភ្លើងព្រះអង្គដង្កើ
ដំឡើងបង្គោលភ្លើងហ្វាចំនួន ៥បង្គោលនៅសួនបទុមវតី និងដរអរិយក្សត្រ
តុបតែងរបារកាត់ទទឹងផ្លូវ (overhead) ចំនួន៤កន្លែង នៅខាងជើងវិមានឯករាជ្យ វត្តភ្នំ ព្រះគម្លង់ និងខាងលិចរង្វង់មូលសម្តេចសង្ឃ ជួន ណាត
លាបកំបោរ និងស្ពិចត្រូនៅគល់ឈើ និងខឿន នៅផ្លូវនរោត្តម សុធារស ស៊ីសុវត្ថិ សហព័ន្ឋរុស្ស៊ីសុរាម្រិត សួនបទុមវតី សួនច័ន្ទឆាយ៉ា...
លាបគំនូសផ្លូវចំនួន ៧ខ្សែ មានផ្លូវស៊ីសុវត្ថិ សុធារស វិថីរដ្ឋសភា ផ្លូវលេខ២៤០ ១៥៤...
ត្រៀមកម្លាំង ២៩០នាក់ សម្រាប់បោសសំរាម
ត្រៀមរថយន្តបូមលូ និងលាងសំអាត ចំនួន ៨គ្រឿង
រៀបចំស្លាកបង្ហាញទិសចំនួន ៩៧ស្លាក
លាបថ្នាំស្តូបបរមរូប ព្រះបរមរតនកោដ្ឋ និងអាងទឹក
ថែទាំបង្គន់ថ្មីចំនួន ៤កន្លែង គឺសួនបទុមវតី សួនក្រម ង៉ុយ សួនដរអរិយក្សត្រ...។