- 2016-11-13 04:45:50
- ព័ត៌មាន
សពចំណុះទូក ២នាក់ដែលជួបគ្រោះថ្នាក់ អណ្ដែតនៅខេត្តកណ្ដាល
- 2016-11-13 04:45:50
- ចំនួនមតិ 0 | ចំនួនចែករំលែក 0
សពចំណុះទូក ២នាក់ដែលជួបគ្រោះថ្នាក់ អណ្ដែតនៅខេត្តកណ្ដាល
ចន្លោះមិនឃើញ
អ្នករាយការណ៍ព័ត៌មានរបស់ Sabay បានឲ្យដឹងនៅព្រឹកនេះថា សពចំណុះទូក ២នាក់ ដែលត្រូវកប៉ាល់ទេសចរណ៍វៀតណាម១គ្រឿងបុកអំឡុងពេលហាត់សមកាលពីថ្ងៃទី១១ ខែវិច្ឆិកា កន្លងទៅ បានអណ្ដែតនៅស្រុក២ ផ្សេងគ្នាក្នុងខេត្តកណ្ដាល។
សពជនរងគ្រោះទាំង ២នាក់ ត្រូវប្រទះឃើញនៅវេលាម៉ោង ៨និង៤៥នាទីព្រឹកមិញនេះ ដោយអណ្ដែតនៅកោះរះ និងនៅឃុំសិត្បូ ។ សពជនរងគ្រោះទាំងពីរមាន ឈ្មោះ ឈឺន ចន ភេទប្រុសអាយុ៣៦ឆ្នាំ មានទីលំនៅភូមិព្រែកថ្មី១ សង្កាត់ព្រែកថ្មី ខណ្ឌច្បារអំពៅ ត្រូវបានប្រទះឃើញនៅដងទន្លេមេគង្គក្រោម ក្នុងស្រុកល្វាឯម ខេត្តកណ្ដាល។ ចំណែកឈ្មោះ សុខ ចាន់ជេស្តា ភេទប្រុសអាយុ ១៨ឆ្នាំ មានទីលំនៅជាមួយ ត្រូវបានប្រទះឃើញនៅឃុំសិត្បូ ស្រុកស្អាងខេត្តកណ្ដាល។
ទូកដែលជួបគ្រោះថ្នាក់ឈ្មោះ "រស្មីស្រីស្រស់ ដាញ់ទិព្វសែនជ័យ" ត្រូវកប៉ាល់ទេសចរណ៍វៀតណាមមួយគ្រឿងបុក អំឡុងពេលហាត់សមកាលពីម៉ោងជាង ៧ព្រឹកថ្ងៃទី១១ ខែវិច្ឆិកាកន្លងទៅ។ ភ្លាមៗនោះ ក្រុមអ្នកជួយសង្គ្រោះបានស្រង់មនុស្ស ៨នាក់ តែបាត់ខ្លួន ២នាក់ ដែលគេសង្ស័យថាមានការប៉ះទង្គិចណាមួយទើបមិនអាចហែលយករួចខ្លួនបាន៕
